قال د. هاني تمام، أستاذ الفقه بجامعة الأزهر، فى رده عن حكم المرأة الحائض أثناء الحج؟ إن المناسك المرتبطة بالحج من الوقوف بعرفات والسعى بين الصفا والمروة وغيرها، لا يشترط فيها إلا الطواف خاصة يوم العيد.
أضاف تمام، خلال حواره مع الإعلامية مروة شتلة بحلقة برنامج "البيت" المذاع علي فضائية "الناس": "أول حاجة، السيدة تروح للدكتور تبلغه حسب ظروفها الصحية هل يمكنها أخذ دواء منع نزول دم الحيض، طيب نفع ومنع الحيض مفيش مشكلة، طيب لو نزل عليها الدم فى الحج تعمل إيه هنا بنقول لها الطهارة فى فترة الحيض طهارة، فيه مرأة بينزل عليها الدم 6 أيام، طيب لو انقطع فى اليوم الرابع تتطهر وتؤدى النسك مفيش أى مشكلة ويبقى كده خلصت النسك".
ما الحكم إذا لم يمتنع نزول الدم؟
تابع "طيب لو الدم لم يمتنع، نقول لها طواف الإفاضة ده مستمر طوال شهر ذى الحج، طيب لازم تمشى من مكة والدم مستمر تنزل تطوف مفيش مشكلة بس تحاول تأخذ الاحتياطات كلها والأفضل إنها تستمر إلى امتناع الدم، لكن لو لم يمتنع وخلاص هتمشى من مكة تنزل وتطوف ومفيش عليها أى مشكلة".
