قالت الدكتورة نيفين مختار، الداعية الإسلامية، إن العقوق الصامت، يعني أن يكون الأب أو الأم في احتياج، والأبناء لا يقومون بدورهم لمساعدتهم رغم أنه في استطاعتهم.
وتابعت الداعية الإسلامية، خلال حلقة برنامج "البيت"، المذاع على فضائية "الناس"، اليوم الخميس: "الابن العاق لوالديه، يرتكب كبيرة من الكبائر، والله سبحانه وتعالى يقطع الصلة به، فيصبح عبدًا بعيدًا عن الله مقطوعًا صلته بربه"، لافتة إلى أن عقوق الوالدين تعتبر الكبيرة الرابعة من الكبائر السبع فى الإسلام.
وأردفت: "عارف لو أبوك وأمك محتاجين حاجة، وأنت عارف وقادر تساعدهم، ولم تساعدهم، هذا يسمى العقوق الصامت، عارف لو أمك بتعمل شغل البيت وأنتى قاعدة وعاملة نفسك مش واخدة بالك ده يعتبر عقوق، لازم تقدم أبوك وأمك على كل حاجة، رفقًا بيهم أوعى تضايقهم أو تكون أمك أو أبوك على قدهم فى الفهم وتقول اسكت أنت مش فاهم حاجة، إوعى تحاول تثبت إن أمك أو أبوك غلطان وهمّا ممكن يكونوا غلطانين، بس إوعى تواجههم وتعمل عليهم قاضى فى أمر يخصك، إوعى حتى لو غلطوا ده عقوق، إوعى تشوح لهم بإيدك أو صوتك يعلى عليهم كل ده عقوق".
واستكملت: "شوفى المجتمعات دى واللى بيحصل فيها من عقوق الوالدين، من الشباب والأجيال الراهنة المظلومة التى توفرت لها تقنيات حديثة، كل حاجة متاحة، ده سبب إنك تلاقى شاب أمه ست بسيطة ريفية تكلمه فى حاجة يقولها إنتى عارفة أنا بفكر إزاى إنتى مش فاهمة حاجة وده عقوق".
