ذعرت الفنانة رحمة حسن من تلقيها رسائل غريبة من قبل معجب، عبر حسابها الشخصي بموقع التواصل الاجتماعي إنستجرام، مما أثار غضبها لتنشر ردها الأخير له في عدم تكرار تلك الأفعال وتتبعها في أماكن عامة دون علمها.
وكتبت رحمة حسن: "الشخص ده من سنتين وهو بيبعت رسايل غريبة وبيعمل حاجات غريبة وبيضايق كل صحباتي البنات لو نزل صورة أو حاجة معاهم وحتى الناس اللي بشتغل معاهم أو أصحابي في العادي".
وتابعت: "بيدخل يدور على الأكونتات بتاعتهم ويبعتلهم أغاني وحاجات غريبة ويسأل عني أنا فين وبروح فين وكل أصحابي مش واحد بس عمل كده مع أكثر من حد".
وأضافت: "متتبع الأماكن اللي بروح فيها ومش عارفة بيعرف منين أنا بقالي سنتين على الحال ده آخرها المكان اللي كنت مفروض أروحه بكرة علشان شغل".
واستشهدت بصورة لرسالة جاءت إليها من "المعجب الغريب".
وكانت الفنانة رحمة حسن كشفت عن تعرضها لهجوم من كلب ضخم أثناء سيرها فى الشارع، وأنه عضها في منطقة حساسة في جسدها - حسب وصفها-، حيث روت الواقعة على حسابها بموقع إنستجرام، وكتبت الفنانة رحمة حسن "إمبارح الساعة 11 بليل كنت نازلة أجيب حاجة من السوبر ماركت، جنب البيت، وكنت ماشية على الرصيف وكان في عربية بتركن جنبي عادي، فجأة الباب اتفتح ولقيت كلب (جيرمن شيبرد) تقريبًا مش متأكدة أوى، بيهجم عليا بكل قوته".
وأضافت الفنانة رحمة حسن "طبعًا حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصاحبته حاولت تشده، بس فك الليش بتاعه وعضني عضة كبيرة وغويطة بنابه في منطقة حساسة، صاحبة الكلب كتر خيرها أخذتني فورًا على مستشفى إمبابة، أدوني حقنة تطعيم الكلب ولسه فاضلي 4 هاخدهم خلال شهر بس المشكلة إن من إمبارح الجرح بينزف دم كتير".
