رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

مذيعو "راديو 90.90" يحتفلون ببداية رحلتهم من 10 سنوات وحتى الآن (فيديو)

ستوديو

عرض برنامج "8 الصبح" المذاع على قناة "dmc"، اليوم الأحد، تقريرا عن احتفال المذيعين في برامج محطة الراديو "90.90"، بمرور 10 سنوات على بداية المحطة الإذاعية.

 

وقال رامي رضوان، مذيع برنامج "تفرق": "كل سنة ويا رب راديو 90.90 بخير، 10 سنوات عدوا بسرعة بصراحة، الـ 10 سنين عدوا بسرعة حقيقي وده بسبب أن الوقت الحلو بيعدي بسرعة، الوقت الحلو في الإذاعة وكل فريق الراديو 90.90 وده كان نقطة تميز 10 سنوات ويارب تكونوا مستمتعين بالراديو 90.90".

 

وتابع: "إن شاء الله الـ 10 سنوات اللى جاية راديو 90.90 يكون أكثر تميزا، ويقدم كل اللى الجمهور منتظره من معلومات أو الاستمتاع، الإذاعة لها مذاق خاص وفريد من نوعه، والواحد مبسوط مع الناس والتفاعل مع الجمهور وهذا جزء من متعة الإذاعة، وكل سنة وراديو 90.90 متألق وبخير".

 

فيما قال الدكتور محمد رفعت، مقدم برنامج "أجيال" بالراديو 90.90: "من أحلي الحاجات لما الواحد يعمل حاجة بيحبها وأكثر الحاجات اللى بحبها أنى أكون موجود في مكان واشتغل فيه على راحتي، العمل في راديو 90.90 مفيد ومريح خاصة لما نقدم حاجة تفيد الجمهور، وأنا بدأت الراحلة في الراديو 90.90 وشعوري أنها مستمرة ويارب نفضل مع بعض، وكل سنة واحنا طيبين وراديو 90.90 مجمعنا".

 

وقال محمود الفقي، مذيع برنامج "في الزمن دا" بالراديو 90.90: "بتشرف أني كنت من نجاح الراديو ده في الاخر، وخلال فترة التواجد في راديو 90.90 والأهم في النجاح ده الجمهور اللى بيحب الراديو، ويارب تكونوا مبسوطين بالهواء واللى بنقدمه في 90.90 وكل سنة واحنا وأنتم طيبين ومع بعض". 

 

الراديو 90.90 يحتفل بمرور 10 سنوات على تأسيسه

 

ويحتفل راديو "90.90" بمرور 10 سنوات على تأسيسه ويضم مجموعة من البرامج مثل "صباحك ومطرحك"، و"تفرق"، و"لسه الصبح"، و"عربيتك"، و"لسه لينا كلام"، و"باب الغنا"، و"أخر اليوم"، و"بواب العمارة"، و"زي ما بقولك كده"، و"اسمع مني"، وغيرها.