أحيا الفنان حسن الرداد ذكرى ميلاد والدته الراحلة وذلك من خلال رسالة مؤثرة نشرها في تعليقه على صورة له برفقتها من داخل الحرم المكي، عبر صفحته الشخصية بموقع "إنستجرام".
عمرة حسن الرداد لوالدته
وقال الرداد، في تعليقه على الصورة: "النهاردة عيد ميلاد أمي الغالية والحمد لله عملت لها عمرة فى عيد ميلادها، أكتر سفرية كنا بنسافرها مع بعض، بس الغريب إنى كنت ناوى أعملها العمرة أثناء تواجدي فى السعودية ومش عارف هروح أى يوم عشان ظروف الشغل لكن سبحان الله ربنا يسر الأمور إن اليوم اللى أعرف أعمل العمرة فيه يبقى يوم عيد ميلادها".
وأضاف: "الحاجة التانية إنى خليت حد يصورني صورة بعد ما خلصت العمرة والصدفة برضه إني كنت بتصور فى نفس المكان اللى كنا متصورين فيه مع بعض بس الفرق إن المرة دى أنا لوحدى.. الله يرحمك يا أمي ويدخلك فسيح جناته إن شاء الله يا نور عينى وقلبى أسألكم الدعاء لأمى السيدة/ فادية الرداد".
يذكر أن والدة حسن الرداد، رحلت عن عالمنا يوم 10 يناير 2021، وذلك بعد تعرضها لأزمة صحية رحلت على إثرها.
