قال الفنان القدير حسين فهمي إن الفنان في مصر يعمل لساعات طويلة من أجل إنجاز المشروع الفني الذي يقوم به، معبرًا:" النجم في مصر بيعمل كل حاجة لوحده، ومفيش حد بيشتغل عدد الساعات اللي إحنا بنشتغلها، ولذلك بنطلع نتيجة متميزة جدا".
عمر الفنان في مصر
وأكد، خلال لقائه ببرنامج "اسمي فلان" تقديم شريف نور الدين، المذاع عبر "ميجا إف إم"، أنه كان يفضل العمل مع المخرج الراحل حسام الدين مصطفى، معلقًا: "عمر الممثل ممكن يبقي أطول لو اشتغلنا بنظام فيه حب للممثل وعلشان يوصل الرسالة صح لازم تبقي حالته النفسية كويسة، وكنت بحب الشغل مع المخرج حسام الدين مصطفى، وطول الوقت كنا بنتكلم بالإنجليزي وأدواري معاه مالهاش مثيل".
المنافسة الفنية الشريفة
وتابع: "محمود ياسين عشرة عمري، وكنا دايمًا مع بعض وهو اللي قدمني في المسرح القومي، وكان فيه ما بينا منافسة شريفة جدا".
واختتم: أنا كنت بتفرج على سعاد حسني من أيام الأفلام الأبيض وأسود، وطول الوقت كنت منبهرا بجمالها، وأول فيلم ليا معاها كان "غرباء" وهي ممثلة قديرة جدا، ولو عليا كنت كرمت كل الفنانين الكبار بتوعنا، وأنصح الفنانين إنهم يكونوا نفسهم، والفنان منهم مايقلدش حد أبدا.
