افتتحت الإعلامية مفيدة شيحة، مقدمة برنامج الستات، المذاع عبر قناة “النهار وان”، مساء الأحد، حلقة البرنامج بسؤال: "هل تتعارض الحاسة السادسة مع أن الست بتحب بودنها؟".
وأضافت مفيدة شيحة، أن الأسطورة بتقول إن الست تحب بأذنها، والأذن تعشق قبل العين أحيانًا، متابعة: "يعني لو راجل بيعرف يقول الكلمة الحلوة تحبه، والأسطورة كمان بتقول إن الست عندها حاسة سادسة، جهاز رادار لكشف الكذب، ولو حد جرب يضحك عليها بالكلام الحلو هتكشفه فورًا".
وواصل: "السؤال الأهم هل الست وهي نقطة ضعفها في ودنها هتصدق كل الكلام الحلو؟، ولا الحاسة السادسة هتنور لها إشارة الخطر وتشغل إنذارات الكذب؟، طب ولو الحاسة السادسة بتكشف لها كل حاجة.. ليه بيتضحك عليها وتنخدع؟ ولا هي بتطنش الخطر بمزاجها وترمي نفسها فيه وهي عارفه؟".
وأكملت: "إمتى الست بتسمع لصوت الحاسة السادسة وتصدقه وتخليه يحميها؟ وإمتى بتعطله وتساهم في تدمير نفسها؟، وهل ممكن يتعطل وما يشتغلش ولا هو كدا كدا شغال؟".
وأنهت مفيدة شيحة أن "الستات أكتر كائنات روحانية، وبالتالي يأثر فيها المعاني أكتر من أي حاجة.. تملكها بكلمة وتخسرها بكلمة.. وسبحان الذي ينعم بنفس ما يعذب به".
