هنأ الفنان تامر حسني الفنانة هنا الزاهد على الجائزة التي حصلت عليها من مهرجان الفضائيات العربية كأفضل ممثلة، عبر صفحته الرسمية بموقع تبادل الصور والفيديوهات "إنستجرام".
وعلق حسني: "بكتب بوست عن هنا والله والله مش عشان بتهديلي الجايزة لا، بكتب كلمة من قلبي عشان هي بنت قلبها جميل ومقدرة المجهود اللي عملته عشانها، وعشان كل الممثلين نوع القلب ده مبقاش موجود أوي، يا ما ناس بتساعد ناس بس نادرين أوي اللي قدروا المجهود ده، وعندهم قلب جميل يخليهم مينسوش تعب الناس اللي كانوا جنبهم واخلصولهم من كل قلوبهم".
فاقد الأمل في النوع ده من القلوب
وقال: "كنت فاقد الأمل في النوع ده من القلوب يمكن عشان قدمت ناس كتير وللأسف معظمهم قلوبهم اتغيرت بعد ما نجحوا، بس للأمانة هنا الزاهد هي نفس القلب الأبيض الجميل من أول يوم اكتشفتها فيه في مسلسل فرق توقيت بدور بسيط في بدايتها لحد فيلم بحبك اللي هي بطلته دلوقتي".
فيلم بحبك يتعدي 600 مليون
وتابع: "الفيلم اللي حقق أعلى إيراد دولي في تاريخ مصر والعرب وتجاوز الـ600 مليون في ظاهرة أولى من نوعها ومش بس إيرادات لا ده حقق أعلى عدد زوار سينما في تاريخ السينما وبتتكرم عنه دلوقتي بجائزة مبياخدهاش إلا المتميز المبدع افرحي بنجاحك وبشغلك الرائع في الفيلم مبروك يا هنا كل الناس بتحبك وكل الناس فرحانة بيكي وأنا بجد فخور بيكي وبقلبك الجميل المحترم الأصيل".
واختتم: “شكرًا على الجائزة مستنيها في شركتي مليش دعوة مليون مبروك يا أجمل هنا”.
فيلم بحبك
فيلم “بحبك” من تأليف وإخراج تامر حسني ومن بطولة هنا الزاهد، هدى المفتي، حمدي الميرغني، مدحت إسماعيل، سلمى متولى وغيرهم من النجوم.
وأقيم العرض الخاص لفيلم "بحبك" منذ شهر يونيو الماضي؛ حيث حضر عدد كبير من النجوم والصحفيين بأحد المولات بمنطقة الشيخ زايد بحضور هنا الزاهد، تامر حسني، بسمة بوسيل وغيرهم.
