استعان الفنان توفيق عبدالحميد بمتابعيه عبر صفحته الشخصية بموقع "فيسبوك"، وطلب منهم مساعدته في الاطمئنان على صحة الفنانة شيرين عبدالوهاب.
وقال توفيق عبدالحميد، في منشوره: "شيرين عبدالوهاب عايز اطمن عليها فى حد ممكن يساعدنى ويعرف هى فين عايز أزورها".
تفاصيل نقل شيرين لمصحة نفسية للعلاج من الإدمان
وتتواجد الفنانة شرين عبدالوهاب، منذ يوم الأربعاء الماضي بإحدى المصحات النفسية للعلاج من الإدمان، تم تسريب الخبر مساء الأحد، قبل أن تخرج والدتها وتكشف التفاصيل.
وقالت السيدة كريمة أبوزيد في تصريحات تليفزيونية، إنها طلبت من شقيق الفنانة شيرين أن يودعها في مصحة نفسية للعلاج وذلك حتى يتم إنقاذها، وطالبت بإنقاذ ابنتها من الفنان حسام حبيب الذي وصفته بأنه شر.
وأضافت والدة شيرين عبدالوهاب: "لما قولت لشيرين لازم تروحي المستشفى، قالتلي (محدش ليه دعوة أنا عارفة بعمل إيه، ده أنا شيرين عبدالوهاب)، وهي مش دريانة بنفسها، وبقولها عشان ولادك، قالتلي (مع السلامة بره هم كمان).. فيه حد يقول على ولاده كدا؟".
وتابعت: "شيرين قعدت 3 أيام في الاستديو تشرب مع حسام حبيب، وبعدها طلعت البيت اتخانقت معانا ومع بنتها وقالت لنا (يلا بره، أنا حرة، أنا شيرين عبدالوهاب)، وكانت مش دريانة، وراحت طردتني من البيت وطردت أختها".
وأردفت: "العيال قاعدين دلوقتي عند بنتي إيمان بعد ما طردتها من البيت هي كمان، فقالت لها (أنا مش هسيب العيال)".
وأكملت: "علاقتي ببنتي كانت كويسة جدًا، ولكن أول ما جه حسام حبيب، طردتني، وأنا اللي اترجيت ابني عشان مش مآمنة عليها.. وحسام حبيب قالي هتجوزها قولتله لما تشوف حلمة ودنك، وبطلب من ربنا تحموها من حسام حبيب، لأنه شر، بنتي كانت كويسة والواد ده رجع قلب حالها".
