تصدرت الإعلامية رضوى الشربيني مؤشرات البحث على موقع "جوجل"، عقب الاحتفال بعيد ميلادها.
وكانت الإعلامية رضوى الشربيني نشرت صورًا جديدة لها خلال الاحتفال بعيد ميلادها، وظهرت بإطلالة أنثوية جذابة، مرتدية فستانأ اوف شولدر باللون الأزرق، وتركت شعرها منسدلا على كتفيها، ولم تتكلف في وضع المكياج.
وعلقت الإعلامية الشابة على الصور، قائلة: "أنا كده تميت 41 سنة ومش عارفة أنا كده كبرت ولا إيه…ربنا يستر بقى، لكل أهلى وأصحابى وحبايبى شكرا على كل كلمة وكل معايدة ورسالة ومكالمة تليفون أنتم أحلى حاجه فى الدنيا"، وتفاعل معها عدد كبير من متابعيها.
رسالة نارية لكل رجل خائن ومخادع وغدار
وخلال حلقة برنامجها "هي وبس"، وجهت الإعلامية رضوى الشربينى رسالة نارية لكل رجل خائن ومخادع وغدار، قائلة: "ليه لما بتنتهى الحكاية يتقال عليك خاين أو مخادع أو راجل غدار، كل بنت أنت بتدخل معاها فى علاقة أو بتديها كلمة أو بتديها أمانى وبعدين ما بتنفذش كلامك وتكتشف البنت إنك مخادع ده ذنبه عند ربنا كبير جرح قلوب البنات مش سهل".
وأضافت: "اختاروا اللي تليق على حياتكم اختاروا اللي تليق على شخصيتكم.. في واحدة تقبل إنك تتجوز عليها واحدة تانية لأ.. لو أنت من الرجالة اللى عاوزة تتجوز مثنى وثلاث اختار الست اللى تقبل ده ليه تختار ست مش قابلة ده".
وتابعت: "لما بتعرف واحدة واتنين وتلاتة وخمسة على بعض فى نفس الوقت! هما مش بنى آدم زيك عندهم مشاعر وكرامة وكبرياء".
ووجهت رضوى الشربيني، رسالة للسيدات قائلة: "الست أو البنت مسئولة أكتر من الراجل الخاين أو المخادع في العلاقة كنتي فين وهو بيهمل فيكي! لازم تتعلمي تقولي لأ ولازم لما تقولي لأ تبقى لأ".
