مازح الفنان عمرو وهبة جمهوره ومتابعيه عبر حسابه الرسمي على موقع التواصل الاجتماعي “إنستجرام”، بفيديو جديد له.
وظهر وهبة في الفيديو هو في إحدى صالات الجيم وهو يمارس الرياضة ولكن بشكل فكاهي، معلقًا: "مش بحب أدى نصايح أوى بس للى بيسأل إزاى قدرت أغير شكل جسمى وازاى مواظب ع الجيم، الأهم من إنك تروح التمرين إنك تركز وتتعب فيه”.
وتابع أن “الفيديو ده مثلًا اتصور وانا مش واخد بالى لما الكوتش قالي كمل تمرين جامد زي مانت وأنا ١٠ دقايق وراجعلك، بعدها بعتلي الفيديو ده”.
وفي وقت سابق وجه الفنان عمرو وهبة رسالة حب وامتنان لزوجته، في عيد زواجهما الـ16، قائلًا “النهارده كده ما شاء الله كملنا ١٦ سنة مع بعض.. أنا عارف إن كلمة رجولة بتبقى غريبة لما تتقال على بنت، بس الصراحة هي الكلمة الوحيدة المعبرة عن اللى بتعمله معايا طول عمرها”.
وأضاف: “أنا لما كان نفسى أسيب شغلى عشان أحقق حلمى وأمثل وقولتلها مش هينفع أعمل كده عشان مصاريف البيت، قالتلى لو هتبقى مبسوط سيبه وحاول في اللى بتحبه وأنا متأكدة إنك موهوب وهتنجح ولو اتزنقنا أنا باشتغل وهصرف أنا لحد ما الدنيا تمشى.. صحيح من ساعتها هي اللى بتصرف فعلًا، بس كان موقف نبيل الصراحة هي أكيد ندمانة عليه دلوقتي”.
يذكر أن آخر أعمال عمرو وهبة هو مسلسل “فى بيتنا روبوت” في دور “لذيذ” الروبوت، ويشاركه البطولة ليلى زاهر، وشيماء سيف، وهشام جمال، وعلى مستوى السينما ظهر في شخصية موظف بنك في فيلم “واحد تانى” مع أحمد حلمى، وضيف شرف في فيلم "تسليم أهالى" الذي يعرض في السينمات حاليا بطولة دنيا سمير غانم وهشام ماجد.
