حرص الفنان عمرو وهبة، على الاحتفال مع زوجته بـ عيد زواجهما الـ 12، وذلك من خلال توجيه رسالة رومانسية وكوميدية، عبر حسابه الشخصي، على موقع "إنستجرام".
وشارك عمرو وهبة صورة له مع زوجته، وعلق عليها: "النهاردة كده ما شاء الله كملنا ١٦ سنة مع بعض.. أنا عارف إن كلمة رجولة بتبقى غريبه لما تتقال على بنت، بس الصراحة هي الكلمة الوحيدة المعبرة عن اللى بتعمله معايا طول عمرها".
وتابع حديثه، قائلا: "أنا لما كان نفسى أسيب شغلى عشان أحقق حلمى وأمثل وقولتلها مش هينفع أعمل كده عشان مصاريف البيت.. قالتلى لو هتبقى مبسوط سيبه وحاول في اللي بتحبه وأنا متأكدة إنك موهوب وهتنجح ولو اتزنقنا أنا بشتغل وهصرف أنا لحد مالدنيا تمشى.. صحيح من ساعتها هي اللى بتصرف فعلًا بس كان موقف نبيل الصراحة هي أكيد ندمانة عليه دلوقتي".
ويعرض للفنان عمرو وهبة، خلال الفترة الحالية، في دور العرض السينمائية، فيلم "تسليم أهالي"، الذي يشارك بطولته إلى جانب كل من النجوم دنيا سمير غانم وهشام ماجد وبيومي فؤاد والفنانة الراحلة دلال عبد العزيز ومحمد ممدوح ولوسي، والعمل من تأليف شريف نجيب، وإخراج خالد الحلفاوي، من إنتاج شركتي سينرجي وروزناما.
