وجه الرئيس عبدالفتاح السيسي رسالة إلى المواطنين والمسئولين في الدولة المصرية بشأن التصالح مع الدولة في البناء المخالف قائلًا: "انتبهوا كل إجراء تعملوه في البناء هتاخد وفي الهدم هتدفع لأنها في الآخر حصالة بلد".
ووجه الرئيس كلمته خلال تدشين وحدات بحرية جديدة لقناة السويس، للحكومة المصرية والشعب المصري قائلًا: "أنا بقول الكلام دا عشان تنتبهوا كويس وتبصوا حواليكوا وتشوفوا البلاد اللي بتروح يمكن مترجعش، ويا رب ترجع بس ممكن مترجعش، واللي بيتم عمله معاكوا في خلال السنين اللي فاتت من جهد وعمل من حجم الشغل اللي بيتم، لازم تعرفوا إن الجهد ده هيتضاعف وهيزيد عليكوا والتشكيك هيكون أكتر”.
وتابع: “علشان نفهم التصالح مع الدولة هو أننا ناخد مساحة ونبدأ نتحرك ومنعملش كدا إلى حين”، موجهًا كلامه للمشككين قائلًا: ”بيقولوا طول ما أنت موجود يبقى مفيش فايدة فيك نخلص منه بأي طريقة وخلاص، ولكن كله بأمر الله هو فقط اللي بيقعد وبيمشي والكلام دا لو مفيش كلام حقيقي جوانا فيه كنا ضعفنا أوي ومكناش أخدنا ثلاثة أرباع القرارات اللي اتُخذت خلال السنين اللي فاتت”.
