أوضحت الإعلامية مفيدة شيحة، أن الفتيات في عمر العشرين هذه الفترة يعيشن تجربة صعبة، مقدمة عدة نصائح للفتيات وهن في مقتبل العمر.
وقالت مفيدة شيحة، في برنامجها الستات، المذاع عبر قناة النهار وان، مساء اليوم الثلاثاء، إن: "البنات اللي في عمر العشرينات فما فوق في مصر الفترة دي بيعيشوا تجربة صعبة جدًا.. ودا موضوع هنتكلم فيه بالتفصيل وبكل أبعاده الحلقات الجاية.. لأنه بعد تكرار جرائم القتل ضد البنات من الجيل دا وبسرعة تكاد تجعلهم ضحايا قاتل واحد متسلسل".
وتابعت مفيدة شيحة، أنه: "على مرأى ومسمع من المجتمع كله.. وبالذات مجتمع النساء.. بيعمق تجربة الصدمة في جيل ومجتمع كامل، والعبي رياضة، ومتكسليش.. نص جمالك وثقتك في رشاقتك.. مش رفعك لكن رشاقتك وخفة حركة جسمك".
وأكملت مفيدة شيحة، أن: "لو مفيش وقت لجيم نزلي فيديوهات على النت وقلديهم.. مفيش حاجة اسمها إن التخن حلو. كيرفي يعني منحنيات مش يعني سمنة.. أرجوكي كلي بشكل صحي ولو لدرجة معينة والعبي رياضة ولو 10 دقايق في اليوم.. محدش هينفعك لما تكبري وتلاقي نفسك بتتهالكي".
وأنهت مفيدة شيحة: "أنتي متقدريش تتحكمي في مشاعرك.. لكن تقدري تتحكمي في تصرفاتك.. اقطعي أي علاقة بتسببلك ألم نفسي.. الراحة اللي هتحسيها أكبر بكتير من أي وجع مؤقت.. مفيش حد بيتغير مفيش حد بيتصلح.. الحب بيروح مع التغاضي... فخليكي قوية لأجلك".
