شاركت الإعلامية بسمة وهبة، متابعيها عبر صفحتها على موقع تبادل الصور والفيديوهات "إنستجرام"، بمقطع فيديو من داخل غرفة العناية المركزة بالمستشفى، ووجهت من خلاله رسالة لإحدى السيدات.
وقالت بسمة وهبة: "واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة أتكلم.. لما أقدر هكلمك راحت ردت عليا قالت لي آه مانتي مشغولة صحيح كل يوم ف بلد وبتتفسحي.. فعاوزة أقولها هي واللي زيها إن أي صورة ع السوشيال ميديا حلوة وراها أوقات وحشة وأي صورة فيها سعادة وراها أوقات تعاسة وألم".
وأضافت: "صحيح ممكن أكون مسافرة بس بعمل عملية ممكن أكون مسافرة وف عملية وفي البنج وحزينة لأن صاحبتي ماتت قبلها بيومين حتي وأنا في البنج وتعبانة وحزينة عليها وبدعيلها وممكن أكون مسافرة أتعالج مش أتفسح بس بما إني مسافرة لو ماعندكيش مانع أخرج قبل العملية وأتمشي في الشارع بعد العملية لو مايضايقكيش يعني أحب أقولك أنتي واللي زييك ربنا ما يحكم عليكي يا بنتي باللي في الواحد واحمدي ربنا إنك مش مضطرة تسافري عشان تلاقي حل لمرض نادر.. من فضلكم ارحمونا وسيبونا ف حالنا أنا صاحبتي وفاء ماتت من الحسد".
وتابعت: “يا رب يا كريم يا رب يا وفاء يرحمك يا رب”.
وحرص عدد كبير من نجوم الفن على التعليق على الفيديو بالدعاء بالشفاء لها وأن تعود سالمة وبصحة جيدة لمصر.
أزمات بسمة وهبة الصحية
وفي وقت سابق، خضعت بسمة وهبة لعدد من العمليات الجراحية بسبب مشاكل صحية نادرة تعاني منها وتخصصها قليل في مصر لذا تضطر للسفر للخارج.
كما سبق وتعرضت لحالة إغماء على الهواء وتم نقلها إلى المسشتفى خلال عرض إحدى حلقات برنامجها “90 دقيقة”، على فضائية المحور.
