نعت الإعلامية فاتن موسى، شقيقها الراحل علي موسى، بكلمات مؤثرة، عبر حسابها على موقع تداول الصور والفيديوهات "إنستجرام".
ونشرت فاتن موسى، صورة لشقيقها الراحل وعلقت عليها قائلة: "آآآخ يا خيي آآخ يا حبيبي يا حبيبي با علي.. ما تخيلت بدك تصير صور!!! صورك هون وهون والناس تعزينا فيك يا دليل روحي...ما تخيلت إنو يطلع عليي الصبح وإنت عنجد ميت والناس عم بتعزينا فيك...يا ريتو كان كابوس وفقت منه آه يا خيي يا حبيبي آه يا وجعي آخ يا دلي كنت مشتاقة شوفك يا عمري هلأ صرت صور وتحتن خبر وفاة وتعازي يا ضيعان شبابك يا عمري يا عمري يا علي يا حبيبي يا أجمل شب يا أجمل ضحكة يا أحلى عيون يا أذكى شب يا أنضف نفسية يا أجمل طلّة..الطيبين الصابرين هني إللى بروحوا".
وأضافت: "الله يعوضك بجنة الفردوس ونعيمها مع النبي وآل البيت والصالحين والشهداء عن وسخ الدنيا الفانية يا خيي يا زينة الشباب يا شهيد لقمة العيش والرزقة يا غريب يا صابر الله يرحم روحك يا خيي ويصبرنا عالفراق يا علي يا علي وينك يا علي تعا لعند إختك فاتن واسي وحدتها كنت شد ضهري فيك يا روحي لأنك رجل حقيقي كنت بكل معنى الكلمة كنت زلمي شهم قوي شخصية ما في شي بخوفك ولا بيردعك عند اللزوم يا عمري يا خيي".
وتابعت: "يا ريتني متت بدلك يا حبيبي وحياة الله كنت مشتاقتلك أد الدنيا وعبدعيلك كل يوم وكل لحظة الله يسهل رجعتك يا حبيبي قلب أختك يا خيي أديه كنت تخاف عليي وتنقهر عقهري الله ينتقم من كل مين قهرك وقهرني يا روحي يا علي زينة بعيونا كلنا يا علي يا حبيب قلب إمك وبيك يا علي.. فجعتنا يا خيي يا رب منك الصبر يا الله".
