نعت الفنانة فاتن موسى، شقيقها علي، الذي رحل عن عالمنا أمس الجمعة خلال تواجده بالخارج وعبرت عن صدمتها الكبرى لعدم قدرتها على وداع شقيقها.
ونشرت فاتن موسى، صورة لشقيقها عبر صفحتها الشخصية بموقع "إنستجرام": "خيي علي ما قادرة صدق ولا استوعب إنو صار في شريطة سودا على صورتك.. ما قادرة صدق إنك متت... يا الله يا علي يا حبيبي يقبروني عيونك..ليه فليت بكير يا علي يا ضيعان شبابك يا خيي".
وأضافت: "الله يلعن الغربة والظروف إلى فرقتنا وبعدتنا وخلت كل حدا فينا بمطرح وببلد.. يا ريتني متت بدالك وروحي طلعت بدل روحك يا عمري إنت..مش مستوعبة أنو قول واكتب الله يرحمك بس الله يرحم عيونك متل ما رفقاتنا عبقولوا.. يقبروني عيونك يا خيي الله يرحم روحك وألبك وشبابك يا حبيبي الله يعوضك بالجنة دون عقاب ولا عذاب لأنك متت غريب وبعيد ووحيد عن إمك وبيك وبنتك وإخواتك يا روحي وكان إيمانك ويقينك بالله دايمًا عميق ومتفائل ودايما تقول يقيني بألله أنو ما رح بخذلني ولا يتركني وكنت عمبتحضر ترجع لإمك وبيّك وبنتك وأهلك وبلدك آخر الشهر وعندك أحلام كتير".
تفاصيل آخر مكالمة له
وتابعت فاتن موسى: "امبارح حكيت مع منى وبنتك زينة وقلتلا جايي وبدي جبلك كادويات نجاحك بالبريفيه واحتفل بعيد ميلادك آخر الشهر وكنت مبسوط إنك سمعت صوتها.... الحياة ما عطتك فرصة حكيتن وتركتنا يا خيي كيف كيف بعد ما حكيتن متت ليه ليه سامحني ما كنت حدك القدر كان ظالم معك وغدرك الله يلعن الغربة والبعد... كان حلمك ترجع تشوف الماما والبابا وتأمن مستقبل بنتك زينة وتعيش بيناتنا... يا حرقة قلبي عليك يا خيي يا روح الروح يا علي... سامحني ما كنت حدك... الله يجعلك عريس بالجنة ويعوضك عن تعبك وصبرك وغربتك فيها مع النبي محمد وآل ببته والأنبياء والصالحين يا حبيب قلبي يا روح روحي يا أسفي عل شبابك يا روحي.. أنا كمان بعيدة وعبعيش فاجعة موتك ورحيلك لوحدي يمكن هيك بحس شو كنت إنت حاسس.. يا خي روحي".
واختتمت فاتن كلامها قائلة: "الله يربط على قلوب الماما والبابا وبنتك.. عمري ما رح صدق إنك رحت با خيي إنت عايش فيي وبقلبي يا علي..آآآخ يا علي...آآخ يا خيي".
