كشف الفنان أحمد وفيق عن أسرار حياته الشخصية والعملية وعدد من النصائح التي سمعها في بداية حياته خلال لقائه ببرنامج «الستات مابيعرفوش يكدبوا» المُذاع عبر فضائية «CBC» مساء اليوم.
وقال «وفيق»: «النضج جالي لما انسحبت من التمثيل ورجعته تاني، ولما رجعت معملتش مؤتمر صحفي قولت إن رجعت، ومكنش في سبب معين للاعتزال، كانت قلة عقل شوية واكتئاب.. والاكتئاب حق مكفول للفنان».
وأضاف: «دايمًا في حالي شوية والناس واخده عني فكرة تخوف عشان اشتغلت مع يوسف شاهين، بس لما حد بيشتغل معايا بيتفاجئ»، موضحًا أن أي فنان يعمل مع المخرج العالمي يوسف شاهين يري نجومية ونجاح باهر يصعب معه العمل مع أحد بعد ذلك.
وأشار إلى أن أول عمل بعد عودته للتمثيل مشروع تخرج، مضيفا: «حسيت إن أنا نطيت نطة كبيرة أوي بعد شغلي مع يوسف شاهين، وقبل كده كنت هش أوي مش شخصية قوية، وكنت في حالي شوية وحسيت الموضوع فيه سنه حرب وأنا مش بتاع حرب أنا بتاع تمثيل وقعدت 4 سنين أرفض أعمال».
