قال الدكتور محمد الباز، رئيس مجلسي إدارة وتحرير جريدة «الدستور»، إن تصريحات الدكتورة هبة قطب عن أن الزوجة ليست ملزمة بالطبخ وتنظيف المنزل تُحدث «فتنة» اجتماعية.
وأضاف، خلال «البساط أحمدي»، في بث مباشر عبر صفحته على «فيسبوك»: «الكلام لو مش مستند لما يحدث في المجتمع يبقى الناس بتهزي، وبتحرض في الفراغ».
وتابع: «الناس في علاقاتها الزوجية بتعكز على بعض عشان الحياة تستمر، فإنتي بتيجي تقولي الست مش ملزمة تطبخ وتنظف البيت والمفروض تاخد مقابل؟، هو إنتي شايفة الزواج معناه إيه؟، إنتى بالشكل ده بتعملي فتنة اجتماعية ونوع من التحريض في الفراغ».
وأردف «الباز»: «الست والراجل بيشتغلوا ويحطوا الفلوس على بعض ويشوفوا هيمشوا الدنيا إزاي؟، بلاش الناس تتكلم عن البيوت المصرية، لأن واضح أن بعض اللي بيتكلم في الإعلام مش عارف البيوت المصرية كويس».
وأوضح، أن هناك رجالًا في مصر يطبخون بشكل طبيعي، لأن الزوجة تأتي من العمل متأخرة، وكل أسرة تكيف وضعها كما تريد، متابعًا: «أتمنى من حزب هبة قطب اللى بيتكلموا عن الراجل والست في مصر كفاية فتنة».
