أعادت هند ابنة النجم الراحل سعيد صالح نشر «بوست» عبر مواقع التواصل لشخص يدعى طه السيد.
وعلقت ابنة النجم الراحل سعيد صالح على منشور الإعلام طه السيد، قائلة: "أولًا أقسم بالله أنا ماعرفش مين طه السيد ده، ثانيا معهد السينما مابيخرجش إعلاميين، ثالثا ريهام عبدالغفور مش خريجة معهد سينما، رابعة أستاذ أحمد الجندى حى يرزق ربنا يبارك فى عمره ويرحم أبوه وأمه، خامسا مافيش حاجة اسمها قسم الإخراج والسيناريو والحوار فى بؤجة واحدة، ماعرفش ده دخل معهد سينما إمتى ومافيش بينى وبينه واحد، حتى لو دخل قبلى أو بعدى كنت حعرفه لأن المعهد كله من يوم ما فتح أوضة وصالة".
وتابعت: "حضرتك عايز تقول ايه من البوست ده؟ أن ربنا هدانى بعد ما كنت عايشة حياة كفار الجاهلية؟ هو لا إنت ولا غيرك مطلوب منى أبررلهم تصرفاتى، ومع ذلك أقسم بالله إنت راجل كداب من أول البوست لآخره، ومش بس كداب إنت وقح وبجح كمان عشان تكتب بوست زى ده وكلك ثقة لدرجة انك سايبه بابليك وفاتح التعليقات، على قد ما دعيت عليك على قد ما بشكرك على الحسنات اللى اخدتها منك من غير ما ابذل اى مجهود".
وكتب المدعو الإعلامي طه السيد منشور قام بحذفه لكن هند سعيد صالح احتفظت بنسخة منه قبل الحذف، قال فيه: "دي زميلتي في معهد السينما، هند البنت الوحيدة للفنان سعيد صالح، كانت في قسم مونتاج وأنا كنت في قسم سيناريو إخراج وحوار، كانت تعيش حياتها بالطول والعرض، بالمعاني الحقيقية لهذه الجملة، حياة تبرج شرب رقص سهر سفر بصقة مستمرة لشرم الشيخ، كل أصدقائها من الذكور لا تصاحب البنات إطلاقا، ومنذ مرض أبيها وقربه من الله، هداها الله وتزوجت عام 2006م، والآن تغيرت حياتها العكس، طاعة، عبادة صيام، قراءة القرآن، تواظب على الحج والعمرة بصفة مستمرة..إلخ".
