قال الشيخ خالد الجندي، عضو المجلس الأعلى للشئون الإسلامية، إن من لطف الله على عباده جهل متى وكيف وأين سيموت الناس، موضحا: "تصور حضرتك لو عندك كتاب غيب وعارف هتموت فين وإمتى، يعنى مثلا لو عارف إنك هتموت بعد سنتين فى المكان الفلانى الساعة كذا يوم كذا، حضرتك من النهاردة خلال السنتين دول هتلغى الطريق ده من حياتك خالص، ومع ذلك هتيجى وتنسى وتروح وهيحدث أمر الله".
موعد الموت ومكانه
وأكد الشيخ خالد الجندي، خلال تقديمه برنامج "لعلهم يفقهون" المذاع عبر فضائية "إكسترا نيوز"، أنه في حال معرفة الشخص موعد وفاته لكان الغم والكرب سيطر عليه حتى الوفاة، قائلًا: "شوف بقى حجم الهم والكرب اللى هتكون فيه خلال السنتين دول اللى عارف إنك هتموت بعدهم، عشان كده ده من ألطاف الله علينا إننا منعرفش هنموت إمتى وفين بس لازم نكون جاهزين ومستعدين للقاء الله على شهادة، دى حياتك استعد وقف النميمة والخصام، دى حياتك اللى أنت مضيعة فى النوم، اعتبروا الدنيا أوتيل، جهز نفسك دائما للقاء الله".
علم تفسير الأحلام
ونوه الجندى، إنه يقال فى رواية لطيفة إن الإمام مالك رضى الله عنه وأرضاه، رأى ملك الموت في المنام، فأشار ملك الموت للإمام مالك 5 واختفى، فنادى: "يا ملك الموت أي خمس تقصد"، واستيقظ مذعورا يبحث عمن يفسر له هذه الرؤية، منوهًا أن تفسير الرؤى مجرد تخمين وليس علم يقين، مشددًا على أنه لا يوجد علم يسمى تفسير الأحلام.
