بعد الرسالة القاسية التي وجهتها الفنانة لورا عماد، لابنتيها من الفنان شريف منير، بسبب اختيارهما العيش مع والدهما بعد انفصالهما، عادت ووجهت لكل منهما رسالة خاصة في تعليقها على منشورها القديم.
وقالت لورا في رسالتها لابنتها فريدة: "أنتوا بتموتوني كل يوم وأنتي عارفة كدة كويس ربنا يهديكي صحيح الزن على الودان أمر من السحر".
كما وجهت رسالة لابنتها كاميليا قالت فيها: "أنتم عارفين كويس أوي إني بشحتكم وبتهربوا مني ربنا موجود ويهديكم من الزن اللي على ودانكم".
رسالة طليقة شريف لابنتيها
وقالت لورا في رسالتها لهما: "رسالة إلى بناتي (فريدة وكاميليا).. بما إنكم خلاص قررتوا تبقوا مش في حياتي بعد ما أديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!".
وتابعت: "بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي".
وعادت الفنانة لورا عماد، للفن بعد اعتزال 20 عامًا، وذلك من خلال حكاية "وانسى روحي وياك" من مسلسل "نصيبي وقسمتك 4"، من تأليف عمرو محمود ياسين، ومن بطولة ميرهان حسين، محمد عز، لورا عماد، أيمن عزب، مروى الأزلي، إيمان السيد وغيرهم، والحكاية من إخراج عصام نصار.
