رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

«ربنا سخرنا ليه».. رامي جمال يوجه رسالة بعد انتشار فيديو «المطرب النقاش»

رامي جمال
رامي جمال

وجه الفنان رامي جمال رسالة لجمهوره بعد الإشادة الكبيرة التي حظي بها بعد مساعدته للفنان أحمد سالم، الشهير إعلاميًا بالمطرب النقاش، كما رد من خلال الفيديو على اتهامه باستغلال التريند.

 

وقال رامي جمال، في فيديو نشره عبر صفحته الشخصية بموقع "إنستجرام": "القبول اللي ربنا كاتبه للفنان أحمد سالم، وهو فنان بدرجة لم أرها في حياتي بدرجة مرتين أو ثلاثة أرى القبول اللي ربنا كتبه والحب اللي حبيتهوله حاجة ما بتحصلش كل يوم".

 

وأضاف: "فرحان إن الصوت الحقيقي والفن الحقيقي ما زال الناس تحب وتدعمه فيه ناس كتير فرحانه وبتقول لي شكرًا إنك بتساعد أحمد، أنا مش بساعد أحمد أنا بساعد نفسي كفنان وملحن ومطرب والوسط الفني لما يكون فيه فنانين زي أحمد شيء يرقى بالذوق العام وكلنا محتاجينه". 

رده على اتهامه باستغلال التريند

وتابع: "اتربيت في بيت أهلي إن الفرصة لما تيجي لحد بتبان إن ربنا اللي بعتها إحنا كلنا أسباب لبعض ممكن أحاول أسهل على أحمد مشواره في الفن هذا بالنسبة لي قمة في السعادة.. ووقت أما شوفت فيديو أحمد كان الفيديو لم ينتشر، ومن يقولون أنني أساعده من أجل التريند عمرها ماكانت شخصيتي ولا هتبقى شخصيتي لأنه لا أحد يضمن يعمل شيء ونيته ليست صافية أن توصله للنتيجة التي يريدها".

 

وأردف: "اللي باعتين لي كدا أكيد موهوبين وأكيد مضايقين وشايفين إن الفرصة اللي ربنا إداها لأحمد والقبول اللي أخده هما يستحقوه، بس والله بطمنكم جايلكم الفرصة وكل شيء بميعاد ولو ربنا سخرنا لأحمد والجمهور في إنه يكون حابب أحمد ويساعده، حاولوا اللي أحمد عمله في الآخر فيديو وهو بيشتغل، ولم يقف أمام الاستوديوهات بعد عام ونصف جاء الوقت أن الفيديو ينتشر بشكل كبير".

 

وأكمل: "أقول لكل الناس التي لم تأخذ الفرصة ربنا يديكم أكثر مما تمنيتم، وزي ما ربنا وقفني لأحمد ووقف ناس تانية ليا زمان وهيقفوا لكم ناس جاي لرزقكم ميعاد، وإن شاء الله لو ربنا كرمنا مع أحمد هتشجعني كرامي وكفنان، وأشكر كل الفنانين وشركات الإنتاج اللي كلمتني لكي تكون معي في مشروع أحمد"، معبرًا عن سعادته بموهبة أحمد وإنه لو وجد عدد من وهبته سنرتقي بالذوق العام.

 

وعن رسائل الشكر له قال: "لمن يرسل لي رسالة شكرًا أنا ماعملتش حاجة لأحمد وحتى بعد أما أعمل أنا بعمل عند ربنا بفكرة إن مفيش حد هاياخد رزقي واللي بيسهل حاجة للناس ربنا بيسهله أموره".

 

ووجه رسالة خاصة لأحمد قال فيها: "يا أحمد كفاية برامج يا أحمد لو سمحت لحد ما نخلص مشروعنا".