علّق الإعلامي محمد موسى على توجيه سيدة عراقية اتهامًا للشيخ عبدالله رشدي باغتصابها وهتك عرضها في شقة صديق له بمدينة العبور، قائلًا: "عبدالله رشدي بيكلمنا عن الفضيلة وينظر على الناس، النهاردة كان حديث الساعة بسبب فضيحة اتهامه باغتصاب سيدة مش مصرية".
وقال موسى خلال تقديم برنامج "خط أحمر" على قناة الحدث: "عبدالله رشدي كل شوية يطلعنا بتصريح ولا كلمة غريبة.. وأفتكر في كل مرة بيكون عاوز يطلع ترند، علشان الناس تتكلم عنه على طول، لكن المرة دي مش هو اللي عمل الترند، وأكيد الست دي مش هتشهر بنفسها بأنها تكذب في حاجة زي اللي حصلت دي، وبما إنك قولت هتتخذ الإجراءات القانونية وأدينا هنشوف، لو فعلا اتحركت لاتخاذ الإجراءات القانونية، إحنا منتظرين تحركك لاتخاذ الإجراءات، لأن الموضوع وصل في الإعلام، والكل بيتكلم عنك، لكن لو طلعت مدان هتقول إيه وتعمل أيه؟".
وأردف: “عبدالله رشدي مينفعش يسكت على الكلام اللي السيدة اتهمته به، ضروري يرد ببلاغ للنائب العام، ومحضر لمباحث الإنترنت، لأنه مدان بشكل بشع جدا في حالة عدم ردك".
وجه الإعلامي محمد موسى، رسالة إلى فتاة تُدعى "جيهان" اتهمت الشيخ عبدالله رشدي بالاعتداء عليها وهتك عرضها، قائلًا: "مفيش حد في الدولة فوق القانون وحقك هيجيلك إحنا في دولة قانون"، مطالبا الفتاة بضرورة تحرير محضر ضد الشيخ عبدالله رشدي لإثبات الواقعة وإجراء التحقيقات اللازمة لحصولها على حقها".
