قالت الفنانة هيدي كرم، إنها ترفض أن تخرج الزوجة من بيتها لأي سبب من الأسباب، ولو اضطرت أن تخرج من بيتها، تخرج ولكن دون أبنائها، حتى تأخذ قسطا من الراحة لتستمر الحياة.
وأضافت، خلال برنامج "راجل و2 ستات" المُذاع على قناة "on": "طبعا مقصدش أن الأم تسيب أطفال في عمر صغير، لكن الست لو خرجت من البيت ممكن هي بحاجة إلى فترة راحة، وتكون لوحدها".
وتابعت: "ساعات ممكن يكون البيت والع نار، والست والراجل كل ما يشوفوا بعض يتخانقوا، فساعات الست تقول لزوجها أنا تعبت، ومحتاجة فترة لوحدي، فلو الراجل محترم يقول لا انتي خليكي في بيتك وأنا اللي هخرج، لكن في رجالة تانية تقولها لو مش عاجبك امشي".
