كشف النجم تامر حسني عن طريقته الجديدة للتواصل مع جمهوره عبر مواقع التواصل الاجتماعي، معلنا حلقة نقاشية عبر حسابه الرسمي بموقع تبادل الصور والفيديوهات، "إنستجرام".
ونشر تامر حسني عبر حسابه في إنستجرام صورة له حملت رسالة إلى جمهوره قال فيها: "إحنا في زمن لو احتجت فيه إيد تدفيك، ابقى امسك إيدك التانية، إحنا في زمن يلا نفسي، عشان كده معندناش حل غير إن كل واحد فينا ينجح".
وعلق على صورته قائلا: "إن شاء الله كل كام يوم هاجي على بالليل كدا نتناقش في موضوع من خلال مشواري وتجربتي في الحياة، جايز تستفيدوا منه حاجة وجايز يكون في كتير منكو هيكون كلامي بمثابة إشارة تشجعهم كانوا مستنيينها".
وأضاف: "من خلال خبرتي النجاح بيقوي ويجعل كل من حولك يهتم بك والعكس صحيح وأعني بالنجاح النجاح الإنساني في علاقاتك بربنا والناس.. النجاح المهني وتحقيق ذاتك وطموحك وتحديك لكل الصعاب وتخطيك لكل محنة زي ما عملوا كتير قبلك وظروفهم كانت أصعب منك ووصلوا لأكبر من أحلامهم".
وتابع: "أمانة عليكم محدش يكتبلي عاش وهو دا وتقبر قلبي، أنا عايز افتح باب نقاش حقيقي يخليكوا تاخدوا قرارات مهمة في حياتكم أو تتشجعوا وتتحمسوا لخطوات إيجابية. اتكلموا وقولوا اللي جواكم، تفريغ أحاسيسكم هنا وأي أسألة جواكم أو أي مواقف أو حكايات لما تتقال هنا هتبقى أول خطوه للصح، عشان هتتولّد طاقة كبيرة للخير شاهد عليها ربنا ف هتكون خير أو ي لينا إن شاء الله".
جديد تامر حسني
وأحيا تامر حسني مؤخرا حفلًا غنائيًا ضمن فعاليات مهرجان جرش بالأردن، ونشر مجموعة من الصور التي تكشف عن حجم الجمهور المتواجد بالحفل وتفاعله معه.
وطرح تامر حسني خلال الأيام الماضية ألبومه الجديد الذي يحمل اسم "عشأنجي" عبر موقع الفيديوهات الشهير يوتيوب"، ويضم 9 أغنيات من إنتاج شركة روتانا.
يذكر أن تامر حسني عرض له مؤخرا فيلم "بحبك" من تأليفه وإخراجه وبطولته إلى جانب هنا الزاهد، هدى المفتي، حمدي المرغني ومدحت إسماعيل.
