وجه الفنان سعد الصغير، رسالة قاسية للمطربة الشعبية بوسي، بعد وفاة والدها، أمس الأحد، قال فيها إن بوسي حرمت والدها من الفرح، وكان آخر كلماته عنها "حسبي الله ونعم الوكل فيكي".
وقال سعد في تسجيل صوتي، أذاعه برنامج "عرب وود": "زعلان جدًا جدًا من بوسي، مهما كان الأب، أبويا وأنا صغير رماني ومكنش بيأكلني، لما بقيت سعد الصغير، مش هخسر حاجة لو اديته ألف جنيه، وأبوها في آخر أيامه مكنش عايز حاجة غير إنها تسلم عليه في التليفون".
وأضاف: "حرمتيه من الفرح وكل حاجة، آخر كلمة باباها كان قايلها حسبي الله ونعم الوكيل فيكي، مينفعش بوسي اللي معاها ملايين مش هتخسري حاجة".
سعد الصغير: جبت لأبو بوسى شقة وفرشتهاله لوجه الله
وأردف: "المفاجأة لما عملت الشقة لأبوها، بعت لها قلت لها هنقول إن أنت اللي عملتي الحاجة دي، واصطلحتي، نظير أيه باعمل كده، نظير خير، ومقلتلكيش اطلعي في التليفزيون، جبناله أنتريه وأوضة نوم وسفرة وتلاجة وغسالة وبوتجاز وشاشة".
وختم: "في فرحك معزمتيش أي حد من اللي لهم فضل عليكي، أحمد السبكي، الليثي، حمدي بدري، ومش هأقول أنا، مش أنت بوسي أختنا، إحنا بالنسبة لها بيئة خالص، هي في حتة تانية مينفعش الناس دي تيجي فرحي".
وكانت المطربة بوسي، ردت على هجوم والدها عليها عندما ظهر في الإعلام يشكو من أنها لا ترسل له أموالًا، وقالت: "إنها لم تعد له أموال، وطالبته بأن ينسى أنه له ابنة، وأكدت أن والدها يتعمد الحديث عن هذا الموضوع بين الحين والآخر للنيل من سمعتها وشهرتها، لافتة إلى أنه لم يكن موجودًا في حياتها منذ ولادتها وتكفلت والدتها بتربيتها طوال الوقت وحتى بعد وفاة والدتها لم يظهر سوى لطلب المال، وأن فيه ناس تطلب من والدها الظهور والحديث عنها للتشهير بها".
