قال عمر شريف عبدالمنعم، الأول علمي رياضة على الثانوية العامة، إنني لا أود الالتحاق بكلية الهندسة، فأنا أميل لدراسة "علوم الكمبيوتر"، ليعقب يوسف الحسيني قائلًا: "أخويا كان متفوق في علم رياضة، ولما قالوله طبعًا هتدخل هندسة، قالهم لا أنا هدخل كلية العلوم قسم رياضة، والآن هو أستاذ في الكلية".
وأضاف عمر شريف عبدالمنعم، خلال مداخلة هاتفية مع الإعلامي يوسف الحسيني، ببرنامج "التاسعة" المذاع على القناة الأولى المصرية: "مش لازم تدخل الكلية اللي الناس تشوفها الواجهة الاجتماعية بتاعتك مهندس أو دكتور، لكن الحاجة اللي هتدرسها هتكون شغلانتك اللي هتشتغلها طول عمرك، ولازم تكون بتحبها، عشان تستحمل ضغوطات الشغلانة وكل حاجة تعديها، لأنك لما تكون مضغوط ومش بتحبها هيكون الموضوع صعب عليك".
وتابع الأول علمي رياضة: "أتمنى دخول الجامعة الأمريكية أو الألمانية لدراسة علوم الحاسب"، ليعقب يوسف الحسيني: "قدها وقدود.. ولادنا زي الفل".
