كشفت الفنانة حلا شيحة حقيقة انفصالها عن الداعية معز مسعود، خاصة بعد الشائعات التي أثيرت على السوشيال ميديا خلال الفترة الأخيرة.
ونشرت صورة لها، عبر حسابها الرسمي بموقع تبادل الصور والفيديوهات "إنستجرام"، بحجاب كشفت منه خصلات من شعرها، وعلقت على صورتها: "لكل المتابعين والمحبين على صفحتي وفي الوطن العربي حابة أقولكم مفيش أي خبر اتكتب عن معز وعني يخص الطلاق صحيح، وكلامي في البوست اللي فات كان كلام عام ولم أقصد بيه حد معين أبدًا".
وأضافت: "معز بعيد عن الكلام ده تمامًا، بالعكس هو سبب كبير لحاجات جميلة في حياتي وحياة أولادي ومشفتش كتير زي أخلاقه واحترامه وعيب الكلام اللي بيتقال عن صفحات السوشيال ميديا كله مش صح أبدًا، والله في مشاكل أكبر بكتير وحاجات أهم بكتير ممكن نتكلم فيها.. وأنا على صفحتي بحب أشارك جمهوري ساعات بمعاني بحسها وبحسهم زيي وبحب أتواصل معاهم وأبقى موجودة معاهم مش أكتر من كده".
وتابعت: "بالنسبة لحجابي أنا قلت بحاول زيي زي بنات كتييير وأكيد مش أحسن حاجة بس أنا كده دلوقتي والحمد لله، وأنا مش شيخة أنا إنسانة عادية جدًا ليا حسناتي وليا سيئاتي والبشر كلهم كده فبلاش حد يزايد على حد، وبدل ما نتريق أو نقول كلام مش مهم نكون متصالحين مع نفسنا ونبطل نحكم على بعض إحنا بشر مش ملايكة، يلا أنا مسامحة الكل معلش بشر بردو".
آخر أعمالها
يذكر أن آخر أعمال الفنانة حلا شيحة فيلم "مش أنا" بطولة تامر حسني، سوسن بدر، ماجد الكدوانى، الفيلم قصة وسيناريو وحوار تامر حسنى، وإخراج سارة وفيق.
