رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

أحمد موسى يطالب جماهير الأهلى بعدم الانسياق وراء الانتقادات.. ويدافع عن «عبدالحفيظ»

أحمد موسى
أحمد موسى

طالب الإعلامي أحمد موسى، جمهور النادي الأهلي بعدم الانسياق وراء الحملات الممنهجة التي تستهدف هدم النادي خاصة بعد خسارة الأهلى أمام الزمالك في نهائي كأس مصر.

وقال خلال حلقة برنامج "على مسئوليتي"، والمذاع عبر فضائية "صدى البلد": "فريقك لما يخسر توقف معاه أكثر وقت الشدة مش تهدم النادي، مينفعش الكتائب الإلكترونية تشتغل على الكابتن محمود الخطيب رئيس الأهلي، وسيد عبدالحفيظ مدير الكرة، وحسام غالي عضو مجلس الإدارة، والمدرب البرتغالي سواريش دلوقتي الراجل لسه ميعرفش أسماء اللاعبين لسه جاي يسخن يتحاسب على إيه".

وأضاف: "منظومة الرياضة في مصر تحتاج إلى عمل آخر، نتكلم على الاستثمار في الرياضة، محتاجين ندعم المجال ولازم يكون الأهلي والزمالك والإسماعيلي وسموحة وسيراميكا كليوباترا أقوياء جدًا وباقي الأندية". 

وأشاد بتجرية سيراميكا كليوباترا قائلا: "شوف عاملة إزاي مع تطبيق الاستثمار، الأندية المصرية لازم تستثمر زي سيراميكا عندها رجل أعمال عارف بيعمل إيه يجيب لاعب بمليون جنيه يستثمر فيه ويبيعه بعشرة مليون و50 مليون دلوقتي المسألة مختلفة".

دفاعه عن سيد عبدالحفيظ

كما تحدث عن واقعة عدم ظهور سيد عبدالحفيظ مدير الكرة بالنادي الأهلي، في الممر الشرفي الذي نظمه لاعبو الزمالك للاعبي الأهلي بعد الانتهاء من مباراة نهائي الكأس، قائلًا: "نسأل الأول سيد عبدالحفيظ عمل ليه كده قد يكون أخطأ وليه وجهة نظر، ممكن الكابتن سيد شاف إن الممر زحمة". 

وأضاف: "لازم لما نيجي نشوف الصورة نشوفها كاملة وشوف اللي حصل من لاعبي الزمالك في عام 2019، نادي الزمالك كله الأهلي عمله ممر نادي الزمالك مدخلش الممر، ومطلعش حد اتكلم، الزمالك وقتها دخل أوضة اللبس، اتكلم بحياد كروي، بتكلم روح رياضية، الزمالك عمل غلط وسيد عمل غلط بنتكلم على روح رياضية متاخدوش الحاجة اللى عاجبكوا فقط".

وطالب موسى، بالتوقف عن الحملات الممنهجة وبناء الثقة والعمل دون تحيز، قائلًا: لو في خطأ لازم نقول عليه ونصحح المفاهيم اللي عندنا عن كرة القدم وإصلاح المنظومة والرياضة في مصر تحتاج إلى إصلاح ونبطل تجاوزات.