شاركت الفنانة شيرين عبدالوهاب، جمهورها بصورة من أحدث ظهور لها، عبر صفحتها الرسمية على حسابها الشخصي بموقع "فيسبوك".
وظهرت شيرين عبدالوهاب مع أصدقائها، معلقة: "أغلى الناس على قلبي"، وكانت ترتدي فستانًا قصيرًا، ونالت الصورة إعجاب الجمهور والمتابعين لها.
أزمة شيرين عبدالوهاب مع حسام حبيب
وكانت قد أثارت الجدل خلال الأيام القليلة الماضية، بسبب تصريحاتها عن طليقها المطرب حسام حبيب، إذ قالت، في مداخلة هاتفية ببرنامج "كلمة أخيرة": "أنا مش فاضية له.. أنا بحضر أحلى أغاني وأحلى فيلم وفيه دنيا مستنياني، لكن لما أروح أتفسح أنا وولادي وألاقي العربية تتسرق وكمان أن اللي اتهدد إنه يتعملي محضر، فوق يا بني بقى وأعرف إنت بتتكلم مع مين".
وأضافت: "والد حسام حبيب كان المتحدث الرسمي لعلاقتنا، أنا لو كنت أدمنت الأدوية زي ما قالوا وتعبت وتخنت كان هيبقى بسبب حياتي معاه، أنا كنت زي البدر ولما عاشرته بقيت شبه حسن أبوالسعود".
وتابعت: "أنا غلطت في نفسي، لكن مش عيب إن الست المشهورة تكون متجوزة وبتحاول تحافظ على بيتها.. كنت فاكرة إني بحافظ على بيتي لكنه مكنش بيت، دي كانت مصيدة فئران.. أنا كنت عايشة عيشة الفار اللي دخل مصيدة فار علشان ياكل حتة جبنة لغاية ما يموت".
