كشف الفنان أكرم حسني، عن كواليس أغنية "للي" التي تجمعه بالفنان الكبير محمد منير، مشيرًا إلى أن الموضوع كان صعبًا بالنسبة له، فالكينج يغني منذ 1977 وغنى لعمالقة الغناء في مصر ولأم كلثوم وللأرض والوطن.
وأضاف خلال مداخلة هاتفية لبرنامج "مساء دي إم سي"، مع الإعلامي رامي رضوان، والمُذاع عبر فضائية "دي إم سي" مساء اليوم الخميس: "قاللي عايزك تكتبلي أغنية قولتله تمام، واشتغلت عليه، دي من أصعب الفترات إللي اشتغلت فيها في حياتي لأن إنت بتكتب لشخص قفل الجيم، المهم دا الرعب بعينه مش أي حد دا الكينج محمد منير، المهم كتب الكلام وروحت له محستوش اتبسطت، ولقيته مهتم قولتله يا كينج مش عارف أطلع حاجة تليق بيك".
وأشار إلى أنه عندما تعب من الموضوع بدأ يشغل نفسه في أعماله الفنية والسينمائية والبرامج، متابعًا: "برده وأنا شغال كانت بتجيلي أفكار عن حاجة كوميدية، وفجأة جت فكرة للي كتبتها، وأنا بكتبها عندي إحساس إن دي منير ومفرداته، روحتله وسمعته الكلام طار بيه من الفرحة وقالي هخش أسجل الأغنية دي كمان 15 يوم".
