“ضربني وسحلني على الأرض وشوفت معاه أيام سودة رغم أني كنت بحاول أجمل صورته طول الوقت”.. بتلك الكلمات وصفت الفنانة شيرين عبدالوهاب علاقتها بطليقها المطرب حسام حبيب، خلال مداخلة هاتفية إلى برنامج "كلمة أخيرة" الذي تقدمه الإعلامية لميس الحديدي على قناة “ON”.
وكشفت شيرين عبدالوهاب عن العديد من المفاجأة عن فترة زواجها من “حبيب”، قائلة: "أنا كنت بحبه وفاكراه ابني مش بس زوجي، اهتمت بيه وعملت استوديو علشان شغلنا يتعمل فيه، اشتريت له كل الأغاني اللي عجبته بشيكات باسمي علشان أضمن له الأغاني دي متروحش منه”، متابعة: “كان فيه خناقات بالضرب والسحل على الأرض وشتيمة عمر ما في إنسانة تقبلها على نفسها”.
كنت زي الفار اللي بيدخل المصيدة ياكل حتة جبنه
وقالت شيرين عبدالوهاب: "أنا كنت عايشة مع زوج مش بيشتغل تقريبًا وكنت محبوسة 24 ساعة في أوضة نومي مش بعمل حاجة، قاعدة بس وأنا غلطت في حق نفسي، وكنت فاكرة أني بحافظ على بيتي لكني اكتشفت أنه مكانش بيت، كانت عيشة فئران أو مصيدة أنا كنت زي الفار اللي بيدخل المصيدة ياكل حتة جبنه".
تابعت: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك ومع ذلك فضلت جمبه وهو لا يعرف إلا فكرة حب الامتلاك وصبرت لأني كنت بحاول أنجح الحب ده ومكنتش بحب أتهزم وأنا بطبعي أكون خدامة الرجل اللي أعيش معاه".
أتجوز قرد وما أرجعش لحسام حبيب
وتابعت شيرين عبد الوهاب: حسام حبيب طلب 10% من أرباح شغلى.. أنا اتجوز قرد ومارجعش ليه تانى.. ومش عايز أعرف حد اسمه حسام تاني"، مضيفة: “استاهل الضرب عشان طلعت قلت ما بيخدش منى فلوس.. أنا أسفة للناس عشان كدبت عليكوا، وهتعب عشان أرجع تانى شيرين اللى ضيعتها.. وعلاقتى بحسام عمرها ما كانت حب”.
أنا نفسي يتجوز ويبعد عنى وأخلص منه
وأضافت شيرين: "كدبت في حاجات كتيرة أوى لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية ولو كنت قلت كلام وحش وقتها مكانش هيعرف يتجوز وأنا نفسي يتجوز ويبعد عنى وأخلص منه".
عيالى كانوا هيضربوا بالرصاص
وعن حقيقة توجيه سلاح لها، قالت شيرين إن حسام حبيب رفع السلاح في وجهها وفي وجه بناتها، قائلة: "عيالى كانوا هيضربوا بالرصاص، قبلها بيومين قاعدين فى الأوضة، طلع من الدرج علبة فيها رصاص.. راح مدينى رصاصة وقال لى خد دى منى هدية"، لافتة: "الحمد لله إنى لسه عايشة، وحسبى الله ونعم الوكيل.. إحنا اطلقنا لما قصيت شعري، واللي حصل بعد ما هديت من الكارثة حسيت إن أنا مش قادرة استغنى عنه وأديله فرصة تانية.. خناقات فيها ضرب وسحل على الأرض وشتيمة عمر ما إنسانة تقبلها على نفسها.. واتنيلت على عينى ورجعت فقولنا ندى فرصة تاني وشروط.. وبناتي في بيت تانى ونشتغل.. لحد ما ابتدت الوعود تتلاشى والمشاكل ترجع تاني وقلة الأدب ترجع تاني".
مخلفتش منه عشان ربنا حميني
وعن عدم إنجابها من حسام حبيب، قالت شيرين: “أنا ست بخلف وزي الفل، أربع سنوات أقعد معاه، ربنا مرزقنيش بخلفة منه ليه، عشان ربنا حميني والناس اللي بتدعيلي اللي شايفيني بضيع، أنا صعبانة على الناس كلها”.
