رحمة حسن تطمئن متابعيها بصورة جديدة لها

شاركت الفنانة رحمة حسن متابعيها صورة جديدة لها عبر حسابها على موقع تداول الصور والفيديوهات "إنستجرام".

ونشرت رحمة حسن صورة لها بإطلالة جذابة بشعر منسدل على كتفيها، مما أثار إعجاب متابعيها.

وفي وقت سابق حرصت الفنانة رحمة حسن على طمأنة محبيها ومتابعيها على حالتها الصحية، بعد ان تعرضت لعضة كلب مؤخرًا، ونشرت صورة لها عبر حسابها على إنستجرام.

علقت رحمة حسن على الصورة التي نشرتها: "الصورة دي علشان أطمن الناس اللي سألت عليا، إن شاء الله أبقي كويسة واحدة واحدة، انا لسه بكمل الحقن وبغير على الجرح كل يوم بس الصورة دي علشان أطمن أصحابي وكل الناس الغاليين، شكرا جدا، ادعولي إني أبقي أحسن حقيقي".

وكانت الفنانة رحمة حسن كشفت عن تعرضها لهجوم من كلب ضخم أثناء سيرها فى الشارع، وأنه عضها في منطقة حساسة في جسدها -حسب وصفها-، حيث روت الواقعة على حسابها بموقع إنستجرام، وكتبت الفنانة رحمة حسن "إمبارح الساعة 11 بليل كنت نازلة أجيب حاجة من السوبر ماركت، جنب البيت، وكنت ماشية على الرصيف وكان في عربية بتركن جمبي عادي، فجأة الباب اتفتح ولقيت كلب (جيرمن شيبرد) تقريبا مش متأكدة أوى، بيهجم عليا بكل قوته".

وأضافت الفنانة رحمة حسن "طبعا حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصاحبته حاولت تشده، بس فك الليش بتاعه وعضني عضة كبيرة وغويطة بنابه في منطقة حساسة، صاحبة الكلب كتر خيرها أخذتني فورًا على مستشفى إمبابة، أدوني حقنة تطعيم الكلب ولسه فاضلي 4 هاخدهم خلال شهر بس المشكلة إن من إمبارح الجرح بينزف دم كتير".

وتابعت الفنانة رحمة حسن "أنا طبعا خايفة ومصدومة وتعبانة وعندى تورم من إمبارح، واللي واجعني أكتر إني مَش عارفة أتصرف إزاي، خصوصًا إنى أكيد مش عايزة الكلب يتإذى، بس كمان مش عايزة أي إنسان كمان يتإذي ويتعض ويتبهدل في الشارع زيي، أنا كنت بشوف الكلب ده دائمًا مع صاحبته بتمشي بيه في الشارع جنب البيت عندي، وعشان شكله شرس كنت بامشي بعيد عنه لما بشوفه".