قدّم الشاعر الغنائي محمد عاطف ومؤلف أغنية “حاجة مستخبية” للفنان محمد حماقي، بلاغًا عاجلًا لهيئة الرقابة الإدارية عن حاجة نقابة الموسيقيين لتحقيق فوري بسبب التحايل من قبل الشئون القانونية للنقابة.
وكتب الشاعر محمد عاطف، عبر موقع التواصل الاجتماعي فيسبوك: "بلاغ عاجل.. لرجالنا الشرفاء فة هيئة الرقابة الإدارية".
وتابع: "نقابة الموسيقيين محتاجة تحقيق عاجل وفورى لما يدور من تحايل من الشئون القانونيه للنقابه وفساد واضح من بعض أعضاء مجلس الإدارة، مش عشان موظف يتجاب له هدية ولا يتعزمله في سهره يتم إفساد الذوق العام لمصر ولشعوبنا العربية كلها، الموضوع ميخصش الموسيقيين وأسرهم بس.. ولحضراتكم جزيل الشكر".
وفي وقت سابق هاجم الشاعر الغنائي محمد عاطف تصريحات شاكوش عن أغنية “حاجة مستخبية”، معلقًا: "حسن شاكوش طلع إمبارح مع الأستاذ عمرو أديب بيقول إن حاجة مستخبيه مسروقة من لحن تركى وده غلط في حق الملحن “ مدين ” وفى حق الموزع “ احمد ابراهيم”، احب أوضح بس ان الغنوه تم اعادة نشرها بعدها ب فترة كبيرة وأنهم في تركيا محترمين استأذنوا الأول وتم تعويضى شخصيًا كشاعر أدبيًا وماديًا".
واستكمل: عارف يعنى إيه يتكتبلك شكر خاص باسمك في ألبوم باللغة التركية، مش حرامية ولا عندهم قلة ذوق، ونجاح كلماتك وإن غنوتك عدت غنوة حماقى ((اللى فاهم مزيكا كويس أوى)) وعملت مليار مشاهدة مش عشان أنت أسطورة الجيل، عشان الناس لقت لحن حافظاه وبتحبه عليه كلام ممنوع والممنوع مرغوب “خمور وحشيش”.
تصريحات حسن شاكوش
ورفض مطرب المهرجانات حسن شاكوش اتهامه بسرقة لحن أغنية "حاجة مستخبية" للفنان محمد حماقي، واستخدامه في أغنية "بنت الجيران" الشهيرة، قائلًا: محمد حماقي عمل أغنية اسمها حاجة مستخبية وقالوا إننا واخدين لحن بنت الجيران منها، دخلنا في مفاوضات مع شركة حماقي.
وتابع: "وحصلت مفاوضات خاصة بأرباح موقع يوتيوب بين شركتي وشركة النجم محمد حماقي، واتفقنا تتقسم أي أرباح على 3 شركات، واللي عرفته إن لحن أغنية حاجة مستخبية مسروق من لحن تركي"، متابعًا:" بنت الجيران جابت إيرادات 100 ألف دولار".
