رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

"بعد امتحان اللغة العربية".. سمية الخشاب تعرض المساعدة لطلاب الثانوية العامة

الفنانة سمية الخشاب
الفنانة سمية الخشاب

هنأت الفنانة سمية الخشاب عبر موقع التدوينات القصيرة "تويتر" طلبة وطالبات الثانوية العامة عن أداء امتحان اللغة العربية اليوم.

وكتبت الخشاب، عبر تويتر: "مبسوطة أوي إنكم حليتوا، المادة اللي جاية عندكوا إيه وامتى؟ عشان لو في حاجة تبعتولي قبل الامتحان زي العربي كده وأنا معاكوا لحد ما تخلصوا، بحبكوا وفخورة بيكوا".

واستكملت: "إنتوا أغلى جيل على قلبي وواثقه فيكوا جدا عشان بعيد عن التعليم، إنتوا جيل واعي وإنتوا المستقبل، ربنا يوفقكم في اللي جاي وأنا هطمن عليكوا بنفسي على طول".

 

وفي وقت سابق كتبت سمية الخشاب، عبر حسابها على موقع "تويتر": "حبايبي اللي في ثانوية عامة، محدش يجي على نفسه خالص صحتكم بالدنيا ومش نهاية العالم، ومتخلوش أي حد يؤثر بالسلب عليكم وتقدروا تثبتوا نفسكوا في أي مجال أو كلية مش شرط المسمى القديم بتاع كليات القمة ده مفيش قمة، اللي هيشتغل ويحب اللي بيعمله هيبقى في القمة".

وتابعت سمية الخشاب: "اعملوا بس اللي عليكم، وبلاش مقارنات خالص، كل إنسان له مجاله اللي هيقدر يبدع فيه، بلاش كلنا نتارجت حاجة معندناش شغف ليها، وبالتالي نعيش تعبانين باقي حياتنا، الثانوية العامة مجرد مرحلة، اعمل اللي إنت بتحبه مش اللي الآخرين بيحبوه عشان تعيش مرتاح باقي حياتك"، وتفاعل معها عدد كبير من متابعيها.


 

آخر أعمال الفنانة سمية الخشاب

وكانت آخر أعمال الفنانة سمية الخشاب مشاركتها في مسلسل "موسى"، بطولة الفنان محمد رمضان، رياض الخولي، هبة مجدي، وسيد رجب وغيرهم، من تأليف ناصر عبدالرحمن، وإخراج محمد سلامة، العمل عُرض في رمضان الماضي 2021.