علقت الفنانة سمية الخشاب، على واقعة الطالبة نيرة أشرف، التي لاقت حتفها بعد ذبحها على يد طالب في الفرقة الثالثة بكلية آداب جامعة المنصورة.
وقالت «الخشاب»، في سلسلة تغريدات عبر صفحتها الشخصية بموقع «تويتر»: «أرجوكم لو لقيتوا أي ست بتتضرب أو بتتعرض لعنف في أي مكان اتدخلوا يمكن تنقذوا حياتها، حرام بنت في العمر ده لسه ماشافتش دنيا تروح عشان حقير مجرم قاتل زي ده، ربوا أولادكم بقي عشان قرفنا، متخلفوش لو انتوا مبتعرفوش تربوا كفايه!! وإعدام إن شاء الله.. حق نيرة أشرف».
وأضافت: «المهم وأنا ببص كده علي التعليقات لقيت شوية مرضى نفسيين ميقلوش إجرام عن اللي ارتكب الجريمة بيلوموا البنت ويقولوا كانت لابسة لبس مش محتشم وبيبرروا دبحها، يعني اتدبحت وراحت حياتها وكمان مذنبة، لازم الناس دي تفوق لأنهم بيبقوا مشاريع إجرام وربوا أولادكم عشان قرفنا منكم ومنهم».
وتابعت: «حبيبتي نيرة في الجنة إن شاء الله، وإن شاء الله تكوني سبب أن العنف والقرف ده يقف بعقاب رادع يبقي عبرة لأي حيوان بشري يفكر بس يلمس شعرة من بنت مش يدبحها، منه لله وإن شاء الله عقاب أسود في الدنيا وفي الآخرة».
تفاصيل الحادث
ضجت مواقع التواصل الاجتماعي خلال الساعات القلية الماضية بعد انتشار صور نيرة التي لاقت حتفها على يد طالب بكلية الآداب، الفرقة الثالثة بجامعة المنصورة، قام بطعن الفتاة أمام بوابة كلية توشكى الخاصة بجامعة المنصورة، إذ كانت الفتاة في طريقها لموقف نقل الركاب إلى المحلة، حيثُ محل سكنها.
وخلال محاولة الإمساك به، ذبحها من الرقبة، إلى أن تمت السيطرة عليه من قبل الأهالي، وأكدوا أن سبب إقدام الشاب على ذلك هو أن الشاب أراد الزواج من الفتاة، لكنها رفضته، فقرر الانتقام منها وهددها بالقتل.
وتم نقل الفتاة للمستشفى ولفظت أنفاسها الأخيرة قبل ذهابها للمستشفى، وسلم المواطنون الشاب للشرطة، بعد محاولات الأهالي الفتك به.
