رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

حمو بيكا للطلاب: «العلم بيفرق وبلاقى كمية معاناة لأنى مش متعلم»

حمو بيكا
حمو بيكا

وجه مؤدي المهرجانات حمو بيكا، رسالة لطلاب الثانوية العامة والكليات حثهم فيها على التعلم والاستفادة من خبرته، مؤكدًا أن التعليم مع الشهرة مختلف تمامًا.

وقال في منشور عبر صفحته الشخصية بموقع "فيس بوك": "رسالة لطلاب الثانوية العامة والكليات "هو أنا آه مش متعلم وخدت (محو الأمية) بالعافية لكن ده مش حاجة تفرح ولا تقول (عندك بيكا أهو مش متعلم بس ناجح)، صدقوني والله طعم النجاح مع العلم مختلف تمامًا عن طعم النجاح من غير علم".

وأضاف: "العلم بيفرق في كل حاجة في الدنيا، كمية معاناة بشوفها يوميا بسبب اني مش متعلم كبيرة أوي مش بتمنى حد منكم يشوفها أو يتعرض لها، العلم بيستر كتير أوي وبيخليك واعي ومتفتح في كل مجالات الحياة".

ضافحمو بيك

وتابع: "هو آه الشارع علمني كتير، بس مش زي المدارس والجامعات، حتى لو مش هتشتغل بشهادتك وحتى لو دخلت كلية مش بتحبها، بس يكفي إنك متعلم ومعاك شهادة تقدر تسد بيها عين الشمس.. اتعلموا وخلوا بالكم من تعليمكم وشهاداتكم لأنها هتفرق كتير أوي معاكو ومع عيالكم بعد كده".

وأنهى كلامه بقوله: "أنا آه مادخلتش مدارس وماتعلمتش، بس حابب كل اللي حواليا ناجح ومتعلم وإوعى يوم تقول أهو فلان ناجح بس مش متعلم".

رسالة حمو بيكا للمتنمرين

ووجه حمو بيكا رسالة للمتنمرين عبر صفحته الشخصية بموقع إنستجرام، قال فيها: "يا جماعة يا ريت نفهم إن أنا موجوع وتعبان، اتنـمر عليا مرة واتنين وتلاتة ولسه فيه ناس بتنمر عليا، لحساب مين كل ده، أنا بني آدم زي زيكم والله".

وأضاف: "الأستاذ هاني حضرتك كنت في ندوة واتنـمر عليا وأنت أخويا الكبير، وأنا مسامح والله، بس كفاية بالله عليك أنا آه مش بعرف أقرأ وأكتب بس ربنا خلقني بقلب أحس بيه، كفاية تجرحوني، مش كل واحد يبقى عنده سلطة يتحكم في البشر؟".

وأضاف: "أنا من 5 سنين بعاني، بس هما شايفين إن إحنا مبسوطين وفرحانين، لا أنتم اللي مبسوطين لأن معاكم ومعاكم وعندكم كتير بس عمرنا ما بصينا ليكم، ليه لما يكون معايا حاجة تحسدوني عليها وعايزنها؟، ده غير مرضي اللي بدفع فلوس كتير خلال شهر واحد.. حسوا بمشاعري، لو أخطأت في حاجه تعالى وحاسبني وعلمني الصح من الغلط، أنا فاتح بيت وعندي أسرة وعندي مسئوليات كتير لا يعلم بيها إلا ربنا، أرجوكم كفاية".