تصدر الفنان القدير حسن يوسف، مؤشرات البحث على موقع "جوجل"، وذلك بعد الجدل الذي أحدثه نتيجة تصريح متداول له اليوم على السوشيال ميديا حول أن القبلات على أيامه ما لم يكن لها طعم وخالية من الإحساس.
وقال حسن يوسف: "أنا مش هقدر أقول حرام ولا حلال أنا مش شيخ أو مفتي علشان أقول حرام أو حلال، أنا بهزر معاه بقوله لا لون ولا طعم ولا رائحة زي المياه بالظبط حتى تدخل تتمضمض بعدها تلاقي نفس الطعم قالك تدخل تتمضمض علشان ده حلال ولا حرام وقال حاجة من عنده".
تقديم القبلات في الوقت الحالى
وعن رأيه في تقديم القبلات في الوقت الحالي في الأعمال الدرامية قال "أنا مش عاوز أتكلم في الموضوع ده موضوع مالوش لازمة يتساءل عنه أصحابه واللي بيأدوا نفس المشاهد".
أما عن رؤيته للفن إذا كان حلالًا أم حرامًا، قال: "أنا سمعت من الشيخ الشعراوي كنت قاعد معاه وبسأله قالي هي الكوباية اللي قدامنا دي بنشرب فيها ايه قولتله شاى، فقال لي: "لو حطينا بدل الشاي خمرة"، قلت له ده يبقى حرام فقال لي: "إيه ذنب الكباية قالي الفن زي الكباية دي تقدم فيه حلال يبقى حلال وتقدم فيه حرام يبقى حرام يعني".
