وجه الرئيس عبدالفتاح السيسي التحية والشكر للمزارعين بعد استجابتهم لدعوات توريد القمح، مشيرا إلى أن المزارعين سلموا حوالي 6 ملايين طن حتى الآن، ولو أصبحوا 10 سيكون جيدا جدا.
قال، خلال كلمته في افتتاح مشروعات الإنتاج الحيواني والألبان والمجازر الآلية بمدينة السادات: "أشكر كل المزارعين اللي وردوا القمح ونحييهم كلنا، إحنا مش عارفين الدنيا رايحة فين والأزمة هتستمر لأمتى؟، لكن فضل كبير من ربنا أننا نمر من أزمتين كبار زي كورونا وتداعيات الحرب الروسية الأوكرانية، والأزمتين كبار وليهم تأثير على العالم، وإحنا جزء من هذا العالم، وإحنا لسه عضمنا منشفش".
وتابع: "لما دخلي يبقى تريليون دولار حاسبوني لكن غير كده يبقى لسة بدري على حلمنا، ولازم نجري على حلمنا ونحققه، أنا بأنام وأحلم بتريليون دولار وليس ذلك ببعيد على الله سبحانه وتعالى".
وأردف: "بقول لك الحمد والشكر يا رب في كل الظروف اللى إحنا فيها، وربنا بيعطف علينا وبيراضيني".
