دعا الدكتور محمد الباز، رئيس مجلسي إدارة وتحرير جريدة "الدستور"، إلى ضرورة تدشين جيش مصر الإلكتروني للرد على الشائعات، وأعداء الدولة المصرية.
وقال، خلال برنامجه "آخر النهار" المُذاع على قناة "النهار": "كل واحد مؤمن بـ30 يونيو وشايف الدولة بتتعرض لهجوم يكتب ويشرح وميخفش، أمال مين اللى هيدافع عن البلد ويقول إن المشروع اللى المصريين خرجوا في 30 يونيو عشانه هو مشروع واختيار صحيح".
ولفت إلى أنه يطلب من كل مؤيد لـ30 يونيو أن يكون جنديًا على السوشيال ميديا يدافع عن الدولة، متابعًا: "متسيبش الخصم أو واحد حط نفسه في منطقة التحريض على الدولة يقول اللى هو عاوزه ويهاجم ويروج أكاذيب ويقول أي كلام والناس تصدقها".
وأردف: "اللى موجودين في طرف معاداة الدولة ممكن تكون ناس مش فاهمة أو ناس مستسهلة الحلول، لكن في ناس واقفة تغذي خطاب كراهية الدولة، ودول يجب أن ترد الناس عليهم وتقولهم أقف عندك ده واقع إحنا صنعناه ولا بد من الدفاع عنه".
وأوضح "الباز"، أن هناك طاقة سلبية يتم تصديرها للشارع المصري، متسائلًا: "مين هيقف قدامهم؟".
وعلق: "لا بد من الوقوف للدفاع عن الدولة المصرية ولو موقفناش عشان ندافع عن الدولة و30 يونيو والتضحيات اللى الناس عملتها كل ده هيضيع ونرجع لنقطة الصفر مرة تانية".
