تصدرت الفنانة سمية الخشاب قائمة التريند على موقع التدوينات القصيرة "تويتر"، اليوم السبت، وذلك بعدما وجهت نصيحة إلى طلبة الثانوية العامة بمناسبة اقتراب موعد امتحاناتهم.
وكتبت سمية الخشاب تغريدة جديدة، عبر حسابها على موقع "تويتر"، قالت فيها: "حبايبي اللي في ثانوية عامة، محدش يجي على نفسه خالص صحتكم بالدنيا ومش نهاية العالم، ومتخلوش أي حد يؤثر بالسلب عليكم وتقدروا تثبتوا نفسكوا في أي مجال أو كلية مش شرط المسمى القديم بتاع كليات القمة ده مفيش قمة، اللي هيشتغل ويحب اللي بيعمله هيبقى في القمة".
وتابعت سمية الخشاب: "اعملوا بس اللي عليكم، وبلاش مقارنات خالص، كل إنسان له مجاله اللي هيقدر يبدع فيه، بلاش كلنا نتارجت حاجة معندناش شغف ليها، وبالتالي نعيش تعبانين باقي حياتنا".
وأضافت: "الثانوية العامة مجرد مرحلة، اعمل اللي انت بتحبه مش اللي الآخرين بيحبوه عشان تعيش مرتاح باقي حياتك"، وتفاعل معها عدد كبير من متابعيها.
آخر أعمال الفنانة سمية الخشاب
وكانت آخر أعمال الفنانة سمية الخشاب مشاركتها في مسلسل "موسى"، بطولة الفنان محمد رمضان، رياض الخولي، هبة مجدي، وسيد رجب وغيرهم، من تأليف ناصر عبدالرحمن، وإخراج محمد سلامة، العمل عُرض في رمضان الماضي 2021.
كما طرحت سمية الخشاب فيديو كليب "أوعدك"، بمشاركة المطرب عمر كمال، عبر موقع "يوتيوب".
