كشفت الفنانة المصرية بشرى عن حقيقة خلافها مع محمد رمضان وذلك بعد الانتقادات التي وجهتها مؤخرًا لأغنيته الجديدة "بلالين".
وقالت بشرى خلال لقائها ببرنامج "et بالعربي": "مافيش أزمات، هو عالم الراب كده في أخذ وعطاء وشد وجذب طول الوقت، إنما الصداقة في الحياة موجودة، وأنا أعلنت قريبا إن محمد رمضان كان هيشهد على زواجي، لكنه كان مرتبطا بحفلة خارج مصر، الفن حاجة والصداقة اللي بيننا حاجة تانية".
وأضافت: "مش لازم تبقى الخناقة قدام الشاشة هي تبقى وراء الكاميرا، دايمًا بقول لمحمد رمضان خف علينا كل مرة تطلع تزعق فينا وتقول يا منفوخين يا بلالين وأنا ملك ومين فيكم مشترك، فقلت له يخف علينا شوية، أنا عايزة محمد رمضان يطلع يدلعنا ويغني للحياة والحب وينسى الناس الوحشة في الوسط ويغني بقى للناس الحلوة".
تصريحات بشرى حول أغنية “بلالين” لمحمد رمضان
وكانت بشرى قد علقت على أغنية محمد رمضان، قائلة: “أنا مش فاهمة رمضان عايز يقول إيه في الأغنية، وسمعت جملتين بلالين وطايرين، إذا كان يراهم فقاعات فهي وجهة نظره، وتعودنا من محمد رمضان توجيه رسائل من خلال أعماله، وهو خلق لنفسه شكل وحالة بدأ الناس يتعودون عليها وفرض نفسه على الساحة”، "ولو ضايقني هنزل له بأغنية".
وكان محمد رمضان قد أعاد نشر تعليقها على أغنيته عبر صفحته الشخصية بموقع "إنستجرام"، وعلق عليها قائلًا: "فهمتي؟"، لترد عليه بشرى بقولها: "لا لسه والله..هو أنت نزلتها كلها أصلا لسه؟ هى نزلت كاملة؟؟ أنا شوفت الانستجرام بس.. كده هتخلينى أعملك أغنية كورة كفر.. مبروك يا رمضان بس خف علينا شوية".
