قالت الفنانة يسرا، إن علاقتي بالفنان سمير صبري علاقة طويلة من صداقة وأخوة وجدعنة، مضيفة: “سمير كنتي تلاقيه في المحن، ووقت ما كل الناس تتخلى عنك تلاقيه رفع السماعة ويقولك عايزة حاجة ويقعد معاكي ويضحكك”.
وأضافت خلال مداخلة هاتفية مع الإعلامية إنجي القاضي، ببرنامج "مساء دي إم سي" المذاع على قناة "دي إم سي" مساء السبت: “فنانين كبار أكبر مني قامة وقيمة وقف معاهم حتى آخر يوم في عمره”، متابعة: “في أيامه الأخيرة كان يقول لي: أنا مش عايز أحتاج لحد فكنت أقول له: عمرك ما هتحتاج لحد لأنك أنت مخلتش حد يحتاج لحاجة، فربنا عمره ما هيسيبك وربنا بيردلك أعمالك كلها والخير اللي أنت بتعمله”.
وتابعت: سمير صبري كان بيعمل الخير في "الدرى" وعمره ما كان بيعمله على الملأ، فكان بيعمل كمية حاجات حلوة لناس كتيرة وناس غلابة بيحتاجوه قد إيه، مؤكدة أنه كان شخصا جميلا بصرف النظر عن أنه كان فنانا عظيما ومذيعا رائعا ومثقفا، فكان موسوعة وشخصا لن يكرر.
واستكملت: نحن قصرنا في حقه ولم نعطه ما يستحق من تكريمات وأن يكون في مهرجانات مختلفة، فهو رجل يمتلك 7 لغات ولديه مواهب لم نستفد منها.
