استعرض الرئيس عبدالفتاح السيسي، فكرة مجففات الذرة، قائلًا: "إحنا كده هنرجع زي أيام سيدنا يوسف لما ساب القمح في سنابله لأنه لو حصده كان مش هيستحمل ويقعد 3- 4 سنين ويفسد".
وأضاف، خلال كلمته بافتتاح مشروع مستقبل مصر للإنتاج الزراعي: "كنا زمان مش بنجفف الذرة لكن المجففات دلوقتي بتتيح لي إني أخزنه في الصوامع عشان نعزز ونضيف قيمة في استخدامنا للذرة على مدار العام".
وتابع: "ولما نكون بنتكلم ع دول متقدمة تدينا درة، بيكون عندهم قدرة على تجفيف الدرة فيقدر يستحمل النقل والتخزين".
وكان الرئيس أوضح أن منطق الدولة لا بد أن يكون مسارًا مختلفًا لما يكون ليك ظروف مختلفة في البلد، متابعًا: "وإلا هتفضل تقول كلام مابيتعملش، وتقول حلول ماتتنفذش تطرحها، والنتيجة صفر، لكن قولت وماتابعتش اللي قولته اتنفذ ولا لأ".
