استنكر الدكتور محمد الباز، رئيس مجلسي إدارة وتحرير جريدة "الدستور"، حديث البعض حول رفض الترحم على الإعلامية الفلسطينية شيرين أبوعاقلة لأنها مسيحية الديانة.
وأضاف الباز خلال "مش حسبة برمة" المُذاع على راديو “نغم إف إم”، أن شيرين أبو اقلة كشفت عورة فئة كبيرة من المجتمع، متسائلًا: "إزاي ناس تخاصم الإنسانية لهذه الدرجة، لو مش عاوز تطلب الرحمة ليها اسكت".
وتابع: "الناس اللي بترفض الترحم على شيرين تقابل ربنا ازاي؟، أنت عاوز تخلي رحمة ربنا على مقاسك؟، رغم إن ربنا رحمته وسعت كل شيء، فهل وصلت بجاحة الناس تتدخل في عمل ربنا ورحمته".
وأردف: "رسالة إلى كل هؤلاء الأجلاف اسكتوا وبلاش تجروا الناس إلى مساحات تخليها بعيدة عن إنسانيتها وأخلاقها، ومحدش يحتكر رحمة ربنا ومفيش وكلاء لله في الأرض، وربنا أحن علينا من كل هؤلاء الأجلاف اللي بيحتكروا رحمة ربنا".
