رئيس مجلسي الإدارة والتحرير
محمد الباز
رئيس مجلسى الإدارة والتحرير
محمد الباز

عبدالرحيم كمال يكشف عن معنى «جزيرة غمام» وما سبب «الزوبعة»

ستوديو

كشف الكاتب والسيناريست عبدالرحيم كمال، عن حكايات وأسرار مسلسل “جزيرة غمام” الذي تم عرضه فى شهر رمضان المبارك.

وقال الكاتب والسيناريست، خلال لقائه ببرنامج "كلمة أخيرة"، مع الإعلامية لميس الحديدي، المُذاع عبر فضائية "أون"، مساء الثلاثاء: "معنى المسلسل إن اللي كان شاغل بالي في الأول فكرة بقالها سنين، إيه اللي بيخلي الأماكن المستقرة يحصل فيها اضطراب إيه اللي بيغير طبائع الناس، إيه اللي بيخلي قرية تشبه الجنة كدا رزقها من البحر وناس في حياة أمانة وعمرها ما مرت بجرائم قتل، وعندهم حاكم بيحبهم وبيحبوه".

وتابع: "فجأة إيه اللي يعكر صفو المكان ويحوله لمكان كله اضطراب وشر، الفكرة مسيطرة عليا من كتير، جزيرة غمام أنا كاتب قصتها كمعالجة من 3 سنين بس كنت حاسس إن إنتاجيا صعب أوي، ومن هيتقبل الشخصيات دي والعالم دا، فكان المعني إزاي البحر يتعكر إزاي الصفاء يتحول لشيء غير كاف هل من جو الجزيرة أم من بره، ومن النفس البشرية ولا مش منها، دي روح جزيرة غمام".

وأشار إلى أن قلة طرح البحر واختفاء السمك وقلة الرزق أدى إلى الزوبعة كما نقلها المسلسل، متابعا: "كأن العالم كله جوانا شر وخير ولما فقدناها حصل الزوبعة".