وجه المنتج الفنان هشام جمال رسالة للممثل عمرو وهبة، بعد انتهاء عرض مسلسل "في بيتنا روبوت 2"، ووجه له رسالة شكر خاصة كشف من خلالها مفاجآت في شخصية عمرو وهبة.
وقال هشام جمال في منشور عبر صفحته الشخصية بموقع "إنستجرام": "كنت مستني أخلص دوشة رمضان عشان أشكرك يا عمرو على حاجات كتير جدا أولها أخلاقك وأدبك وتربيتك السوية ودي حاجه لازم نشكر بيتك وأهلك عليها أنت ملكش فضل فيها أوي".
وأضاف: "ثانيا على شطارتك واجتهادك والتزامك وتطورك وتحملك المسئولية كمؤلف وبطل، وعلى حاجات تانيه كتير مش مسئوليتك لكن كنت بتعملها وبتساعد فيها كإنها أكتر من واجب أو التزام عليك.. ثالثا على نفسيتك وحبك لكل الممثلين وأنك كتبت لكل واحد فينا كأنك بتكتب لنفسك".
وكشف تفاصل عن عمرو في الكواليس قائلًا: "تقريبا كل جملة اتقالت في المسلسل، وكل تفاصيل ولزمات الضحك عند كل الشخصيات..هو كلام كتبه عمرو أو زوده وإحنا واقفين في اللوكيشن، وساعات كتير فيه مشاهد هو مش بيصور فيها أصلا بس بيقف مخصوص عشان يزود".
وأنهى كلامه قائلًا: "والله فيه حاجات تانية كتير عايز أكتبها بس هكتفي بأن شكرا متكفيش..لأخويا وصديقي وشريكي عمرو وهبة".
أبطال العمل
مسلسل في بيتنا روبوت بطولة هشام جمال، شيماء سيف، عمرو وهبة، ليلى زاهر، دنيا ماهر، محمد أوتاكا، طه دسوقى، مى دياب، وعدد من ضيوف الشرف منهم شيرى عادل والعمل فكرة أحمد محيى وأحمد المحمدي وسيناريو وحوار عمرو وهبة وإخراج أسامة عرابى وإنتاج شركة روزناما للمنتج هشام جمال.
