وجه الفنان ياسر جلال الشكر إلى الرئيس عبدالفتاح السيسي، لأنه سمح إن شخصيته تطلع على شاشة الدراما، ولم يمانع.
وقال ياسر جلال خلال لقائه المذيعة فاطمة مصطفى، في راديو 9090: "كلنا بنعمل في المسلسل وإحنا مرتاحين نفسيا وفخورين، والنجاح بعد ربنا ينسب لكل فريق العمل، المخرج والكاتب والإضاءة والديكور وجيش الممثلين، كل واحد قام بدوره، لم يكن هناك نوع من التقاعس والتراخي".
وأشاد ياسر جلال بالمخرج بيتر ميمي، قائلًا: "مشتغلتش مع حد زيه، عمل المسلسل الضخم ده بالشكل ده، مسلسل كان يحتاج لـ3 سنين، لكن بيتر ميمي كان شبه بينتحر، وهو مش من المخرجين اللي بينفعلوا، رجل ساحر، رقيق ومهذب ومحترم، يقول لأبسط ممثل واقف يا أستاذ فلان، فالممثل يبقى عايز يديه عينيه".
ولفت إلى أنه كان يبعد عن أدوار الشخصيات لأنها أصعب مستوى، مردفًا: "كنت بخاف، لأنه لازم تخرجي من شخصيتك الحقيقية وتروحي للشخصية بالكلية، كنت فرحان وخايف".
