رئيس مجلسي الإدارة والتحرير
د. محمد الباز
رئيس التحرير
وائل لطفى
رئيس مجلسى الإدارة والتحرير
د. محمد الباز
رئيس التحرير
وائل لطفى

بعد كشف أسرار لأول مرة عن الجماعة الإرهابية.. الرئيس السيسى يتصدر «الترند»

ستوديو

تصدر الرئيس عبدالفتاح السيسي، "ترند" تويتر، عقب مشاركته أسر وأبناء الشهداء احتفالية عيد الفطر المبارك، حيث كشف أسرارا جديدة حول ما حدث خلال فترة حكم جماعة الإخوان الإرهابية، ونرصد من خلال السطور التالية أبرز تصريحاته.

- قال الرئيس السيسي لأبطال مسلسلي الاختيار والعائدون: "فرصة إن إحنا في يوم العيد.. أولا نقول كل سنة وأنتو طيبين ونشكركم على مجهودكم.. وعايز أقول لكم على حاجة اللي أنتو عملتوه كان جزءا كبيرا منه لصالح الأبطال والشهداء اللي ضحوا عشان خاطر مصر تعيش".

- "عايز أقول على حاجة تاني ليكم ولكل الناس.. إحنا قولنا إن التاريخ منسيبوش لحد.. والله والله والله إحنا كنا حريصين إنه لا يسقط ولا يحصل تصادم.. واللي أنتو عملتوه وطلعتوه للناس دي الحقيقة".

- "أنا بقول هنا لكل ولاد وبنات مصر وأسر وشهداء مصر أوعى تفتكروا إن ولادكم أبهاتكم أزواجكم.. سقطوا في معركة طغيان.. لا والله.. إحنا لم نعتد ولم نطغ.. إحنا حاولنا وكل كلمة اتقالت كانت معبرة عن واقع نقلتوه للناس كلها، عشان الولاد الصغيرة دول لما يطلعوا ويكبروا ويقولوا إحنا أبناء الشهداء اللي حافظوا على البلد دي محدش يزيف ولا يشوه تاريخهم ولا يضيع قيمة اللي هم عملوه".

-  قال الرئيس السيسي خلال الاحتفالية بعيد الفطر، "أنا عايز أقولكم تاني.. شوفوا قد إيه عمل درامي بمثابة ألف كتاب وألف ساعة حوار.. أنتو متعرفوش أنتو عملتوا إيه.. مش عايز أتكلم عشان إحنا في عيد، طب تصدقوا بالله.. حتى البيان اللي كتبناه كنا حريصين لحد آخر لحظة ميحصلش صدام.. لا قولنا فيه عزل رئيس ولا قولنا فيه جماعة إرهابية ولا أي حاجة بس يمكن كتير مننا مياخدش باله".

- استكمل الرئيس السيسي: "أنا بقول ده دلوقتي لأجل خاطر الحقيقة والصدق والأمانة متتشوهش والقيمة الكبيرة اللي عملها المصريين في 2013.. حاولنا كتير قوي إن إحنا نحل المسألة من غير مواجهة أو صدام لكن للأسف ادعاء وتشوية لحد دلوقتي.. محدش عايز يفكر يقول يا ترى اللي اتقال ده كان حقيقة ولا حتى نص حقيقة.. ربنا يكفينا أهل الشروبقول للمصريين كل سنة وانتوا طيبين وخلوا بالكم من بلدكم.. والكلام ده مكنش ممكن حد في مكاني يسمح إنه يتعمل وهو موجود.. بس أنا قولت علشان كل كلمة وكل موقف ميبقاش فيه كدبة واحدة".

-  وأضح الرئيس السيسي، "المسلسل ده طبعا فيه مشاهد لأجهزة الأمن.. بس اللي ظهر حجمه قليل جنب اللي اتعمل فعلا.. أنا بتكلم عن وقائع خاصة بالدولة.. أنا عايز أقولكم إن الموضوع اللي حصل فيه تهديد مباشر للجيش اتعمل 3 مرات.. مرة اتعمل مع المشير الله يرحمه حسين طنطاوي واتقال إن لو الانتخابات والنتايج طلعت غير الرئيس الله يرحمه مرسي البلد هتولع".

- وأكمل: "المرة التانية لما خيرت الشاطر قال إحنا حرقنا المقرات بتاعة الحزب الوطني ونقدر نعمل محاكمة شعبية ونحاكمهم.. المرة التالتة كانت ليا شخصيا.. وقسما بالله 45 دقيقة بيعمل بإيده كده ويقولي هنقتل وهنجيب من كل حتة وهنولع الدنيا.. أنا بقسم بالله أحسن ناس يقولوا ما تطلعوا الحاجات دي.. لأن إنتوا هتلاحظوا إن رد الفعل دلوقتي حالة من الاستنفار الشديد من جانبهم وادعاء وتزييف وزيف.. صحيح بيعمله كده.،رغم إني قعدت 7 سنين لم أذكرهم مرة واحدة وكنت أقول أهل الشر عشان أدي فرصة لأهل الشر يتراجعوا عن الشر.. ربنا يهدينا كلنا".

- اختتم الرئيس حديثه قائلا: "لسه الدور مخلصش.. كدراما وكمسلسلات في بناء وعي حقيقي للبلد دي هيكون على أكتافكم وعلى عقولكم.. وأنا أتصور إن المسلسلات دي كانت كاشفة لذوق وعقل المصريين.. لم يختلف اتنين عليها.. وباسمي باسم كل الناس بشكركم".

- احتفالية عيد الفطر 

وشارك الرئيس عبدالفتاح السيسي، رئيس الجمهورية في احتفالية أبناء وأسر الشهداء والمصابين وذوي الهمم والأطقم الطبية، بمناسبة عيد الفطر، والتي أقيمت في قاعة المنارة بالقاهرة الجديدة، وخلال الاحتفالية كرم الرئيس السيسي عددا من أبناء وزوجات وأسر الشهداء والمصابين، وشاركهم وجبة الإفطار ووزع عليهم الهدايا والألعاب.